Yil kuzgi semestrda oʻtkaziladigan Biznes huquqi modulidan tayyorlangan yakuniy nazorat turi boʻyicha imtihon savollari

Xulosa qiladigan bo’lsak, xitoylik tadbirkor O’zbekiston hududida investitsiya asosida tadbirkorlik subyekti tashkil qilishi mumkin. Bunda davlat ro’yxatidan o’tish talab qilinadi va unda shaxsini tasdiqlovchi hujjatlarni taqdim etishi kerak. Davlat xizmatlari markazi xodimlarining talabi o’rinli bo’lgan deb hisoblayman
	“ABC” MCHJ va “XYZ” MCHJ oʻrtasida “ABC” MCHJga tegishli binolarni kelgusida “XYZ” MCHJga sotishni nazarda tutuvchi oldi-sotdi shartnomasini (asosiy shartnomani) tuzish boʻyicha dastlabki shartnoma imzolandi. Kelishilgan shartlar “ABC” MCHJ tomonidan bajarilgan boʻlsa-da, “XYZ” MCHJ asosiy shartnomani tuzishdan bosh tortdi. “XYZ” MCHJ shartnoma tuzish erkinligi prinsipi mavjudligini vaj qilib koʻrsatdi. Vaziyatga huquqiy baho bering. Bu holatda “XYZ” MCHJni asosiy shartnomani tuzishga majburlash imkoniyati mavjudmi?
	“Maximum Education” MCHJ 2021-yilning fevral oyida davlat roʻyxatidan oʻtgan holda chet tillarni oʻrganish boʻyicha oʻquv kurslarini tashkil etish faoliyati bilan litsenziyasiz shugʻullanib kelmoqda. Bundan xabar topgan tuman soliq organi bunday faoliyat uchun litsenziya olinishi lozimligini aytishdi. Ushbu MCHJning yuristi sifatida ushbu holatda qanday harakat qilgan boʻlar edingiz?
	“Platinum Group” MCHJ ustavda oʻzining asosiy faoliyati sifatida fitness-klub faoliyatini amalga oshirishni maqsad qilib qoʻygan. Ushbu MCHJ oʻziga tegishli bino ichida dorixona ochishni rejalashtirib, bankdan kredit olish uchun ariza topshirganda bank mutaxassislari tomonidan ushbu MCHJning ustavida bunday faoliyat nazarda tutilmaganligi uchun kredit ajratish imkoniyati mavjud emasligi aytildi.