Yil kuzgi semestrda oʻtkaziladigan Biznes huquqi modulidan tayyorlangan yakuniy nazorat turi boʻyicha imtihon savollari

Javob
“INVESTITSIYALAR VA INVESTITSIYA FAOLIYATI TO‘G‘RISIDA” gi qonunning 51 – moddasiga ko’ra, chet ellik investorlar O‘zbekiston Respublikasi hududida chet el investitsiyalari ishtirokidagi korxonalarni tashkil etishi va ularga O‘zbekiston Respublikasining qonunchiligi hamda xalqaro shartnomalari bilan berilgan barcha huquqlar, kafolatlar va imtiyozlardan foydalanishi mumkin. Berilgan vaziyatdagi chet ellik tadbirkor chet el investitsiyasi ishtirokidagi korxona sifatida masʼuliyati cheklangan jamiyati taʼsis etmoqchi. Qonunga ko’ra O‘zbekiston Respublikasi hududidagi chet el investitsiyalari ishtirokidagi korxonalar — aksiyalarining (ulushlarining, paylarining) yoki ustav fondining (ustav kapitalining) kamida o‘n besh foizini chet el investitsiyalari tashkil etadigan korxonalardir. Demak, amaldagi tartibga ko’ra xitoylik ushbu tadbirkor O’zbekiston hududida chet el investitsiyasi ishtirokidagi korxona tashkil eta oladi.
Davlat ro’yxatidan o’tishda haqiqattan ham investorning shaxsini aniqlash talab etiladimi yoki yoqmi degan savolga javob beradigan bo’lsak, Tadbirkorlik subyektlarini davlat ro‘yxatidan o‘tkazish tartibi to‘g’risidagi nizomga ko’ra tadbirkorlik subyektini davlat ro‘yxatidan o‘tkazish (davlat ro‘yxatidan o‘tkazish) — ro‘yxatdan o‘tkazuvchi organning tadbirkorlik subyektlarining ro‘yxatdan o‘tkazish ma’lumotlarini qonun hujjatlarida belgilangan tartibda Tadbirkorlik subyektlari yagona davlat reyestriga kiritish bilan bog‘liq bo‘lgan harakatlari tushuniladi. Ya’ni elektron ro’yxatga tegishli hujjatlar taqdim etilgandan keyin qo’yish tushuniladi. Nizomga ko’ra, ro‘yxatdan o‘tkazuvchi organga o‘zi kelib murojaat qilinganida qog‘oz hujjatlarning asl nusxalari bir nusxada taqdim etiladi.
Agar Tizim foydalanuvchisiga — ro‘yxatdan o‘tkazuvchi organ mas’ul xodimiga hujjatlar o‘zi kelib ariza beruvchining vakili tomonidan taqdim etilsa, shuningdek uning shaxsini tasdiqlovchi hujjat (pasport, harbiy bilet, haydovchilik guvohnomasi, shaxsini va O‘zbekiston Respublikasidagi yashash joyini tasdiqlovchi boshqa hujjat) va ariza beruvchi vakilining vakolatlarini tasdiqlovchi hujjat (ishonchnoma, shartnoma, tadbirkorlik subyekti — yuridik shaxs muassislarining qonun hujjatlarida belgilangan tartibda rasmiylashtirilgan qarori, qonun hujjatlariga muvofiq boshqa hujjatlar) taqdim etiladi. Demak. Tadbirkor ro’yxatdan o’tish paytida o’zining shaxsini tasdiqlovchi hujjatni taqdim etishi kerak. Shu orqali uning shaxsi aniqlanadi.