Yil kuzgi semestrda oʻtkaziladigan Biznes huquqi modulidan tayyorlangan yakuniy nazorat turi boʻyicha imtihon savollari

Umumiy tayyorlangan mantiqiy savollar soni: 50 ta

№	Kazuslar	Kazusni tayyorlagan professor-oʻqituvchining F.I.Sh
	“INCREDIBLE” MCHJ maktabgacha taʼlim xizmatlarini koʻrsatish litsenziyasiga ega boʻlmasdan, bogʻcha yoshidagi tarbiyalanuvchilarni qabul qilish va taʼlim berish uchun shartnoma tuzib faoliyat koʻrsatib keldi. Ushbu holatdan xabar topgan vakolatli organ ushbu MCHJ bunday shartnoma tuzish huquqiga ega emasligini, uning shartnomalari haqiqiy emasligini maʼlum qildi. Bundan norozi bo’lgan “INCREDIBLE” MCHJ o’z manfaatlari himoyasini so’rab sizga murojaat qildi. Mazkur holatga huquqiy baho bering. Litsenziyalash talablari buzilganda javobgarlik masalalarini yoriting. Yuqoridagi kazusimizga huquqiy jihatdan yechim beradigan bo‘lsak, IRAC metodidan foydalangan holda quyidagi muammolarni ajratib olamiz: 1-muammo. “INCREDIBLE” MCHJ litsenziyaga ega bo‘lmasdan yuqoridagi faoliyat bilan shug‘ullanishi mumkinmi? 2-muammo. “INCREDIBLE” MCHJ tuzgan shartnomasi qanday holatlarda haqiqiy emas deb topiladi? 3-muammo. Litsenziyalash talablari buzilganda javobgarlik masalasi qanday hal qilinadi? 1-muammoga yechim bersak, bevosita “LITSENZIYALASH, RUXSAT BERISH VA XABARDOR QILISH TARTIB-TAOMILLARI TO‘G‘RISIDA” gi qonunga yuzlanamiz. Avvalo litsenziya tushunchasiga qisqacha tarif berib o’tib ketsak, litsenziya — jismoniy yoki yuridik shaxsga beriladigan, litsenziya talablari va shartlariga majburiy ravishda rioya etilgan taqdirda faoliyatning litsenziyalanadigan turini yoki uning kichik turini amalga oshirish huquqini beruvchi hujjat; “LITSENZIYALASH, RUXSAT BERISH VA XABARDOR QILISH TARTIB-TAOMILLARI TO‘G‘RISIDA” gi qonunning 1-ilovasida Amalga oshirilishi uchun litsenziyalarni olish talab qilinadigan faoliyat turlari belgilab qo‘yilgan. Nodavlat ta’lim xizmatlarini ko‘rsatish sohasidagi faoliyat uchun litsenziya olish, bunga maktabgacha taʼlim xizmatlari ( bundan oilaviy nodavlat maktabgacha ta’lim tashkilotlarining xizmatlari mustasno.) koʻrsatish faoliyati bilan shug‘ullanish ham kiradi. Bundan kelib chiqib aytishimiz mumkinki bu faoliyati noqonuniy hisoblanadi.