Yil kuzgi semestrda oʻtkaziladigan Biznes huquqi modulidan tayyorlangan yakuniy nazorat turi boʻyicha imtihon savollari

13-modda. Faoliyatning litsenziyalanadigan turlari
Ushbu Qonunning 1-ilovasida ko‘rsatilgan faoliyat turlari faoliyatning litsenziyalanadigan turlaridir.
Litsenziya faoliyatning har bir litsenziyalanadigan turi uchun alohida beriladi. Litsenziya talabgorning arizasiga muvofiq litsenziyalanadigan faoliyat turining kichik turiga (kichik turlariga) berilishi mumkin.
Amalga oshirilishi uchun litsenziya berilgan faoliyat turi (kichik turi) faqat litsenziya olgan jismoniy yoki yuridik shaxs tomonidan amalga oshirilishi mumkin. Litsenziyalarni yoki ularga doir huquqlarni boshqa shaxslarga berish taqiqlanadi.
Amalga oshirilishi uchun litsenziya berilgan faoliyat, agar litsenziya talablari va shartlarida boshqacha qoida nazarda tutilmagan bo‘lsa, O‘zbekiston Respublikasining butun hududida amalga oshirilishi mumkin.

Bevosita 2-muammoga to‘xtalib o‘tsak, “INCREDIBLE” MCHJ tuzgan shartnomasi qanday holatlarda haqiqiy emas deb topilishiga yechim berish uchun Fuqarolik kodeksiga murojaat qilamiz. Yuqoridagi kazusimizda shartnoma haqida fikr yuritilmoqda fuqarolik kodeksining 353-moddasiga binoan shartnomlarga FK 9-bobida nazarda tutilgan ikki va ko‘p taraflama bitimlar to‘g‘risidagi qoidalar qo‘llaniladi.

115-modda.
Bitimning qonun talab qiladigan shakliga rioya etmaslik qonunda to‘g‘ridan-to‘g‘ri ko’rsatilgan holdagina uning haqiqiy emasligiga sabab bo‘ladi.
125-modda Yuridik shaxsning huquqiy layoqatidan tashqariga chiqadigan bitimning haqiqiy emasligi
Yuridik shaxsning ustav maqsadlarini buzgan holda yoki tegishli faoliyat bilan shug‘ullanish huquqini beruvchi litsenziyasi bo‘lmagan holda tuzilgan bitim uning ta’sischisi (ishtirokchisi) yoki vakolatli davlat organining da’vosiga ko‘ra sud tomonidan haqiqiy emas deb topilishi mumkin.
Bundan xulosa qilishimiz mumkinki MCHJ bu faoliyat bo’yicha shartnoma tuzish huquqiga ega emas va uning tuzgan shartonmasi tegishli organ tomonidan haqiqiy deb topiladi.

3-muammoga to‘xtaladigan bo‘lsak, “INCREDIBLE” MCHJ maktabgacha taʼlim xizmatlari faoliyatini litsenziyasiz amalga oshirganligi uchun javobgarlik masalasi “LITSENZIYALASH, RUXSAT BERISH VA XABARDOR QILISH TARTIB-TAOMILLARI TO‘G‘RISIDA” gi qonunning 52-moddasida ko‘rsatib qo‘yilgan:

Litsenziyalash, ruxsat berish va xabardor qilish tartib-taomillari sohasidagi huquqbuzarliklar uchun jismoniy shaxslar qonunga muvofiq jinoiy va (yoki) ma’muriy javobgarlikka tortiladi.
Litsenziyalash, ruxsat berish va xabardor qilish tartib-taomillari sohasidagi quyidagi huquqbuzarliklarni sodir etganlik uchun yuridik shaxslarga jarimalar solinadi:
faoliyat bilan litsenziyasiz, ruxsat etish xususiyatiga ega hujjatsiz va vakolatli organni xabardor etmasdan shug‘ullanish;
litsenziyani va ruxsat etish xususiyatiga ega hujjatlarni qalbaki hujjatlardan foydalangan holda olish;
xabardor qilish tartibidagi faoliyatni (harakatlarni) amalga oshirish uchun belgilangan talablar va shartlarning bajarilishi to‘g‘risida vakolatli organga yolg‘on yoki noto‘g‘ri axborot taqdim etish.