Yil kuzgi semestrda oʻtkaziladigan Biznes huquqi modulidan tayyorlangan yakuniy nazorat turi boʻyicha imtihon savollari

Vaziyatga huquqiy baho bering.
Javob:
Kazusdan quyidagi muammolarni ajaratib ko'rsatish mumkin.
1. MCHJ ustav fondi qanday tartibda shakllantiriladi?
2. MCHJning ustav fondini oshirish qanday amalga oshiriladi?
3. Ushbu vaziyatda davlat xizmatlari agentligi tomonidan MCHJ ning harakatlari
qonunchilikka zid ekanligini aytishi qonuniy asosga egami?

1. MCHJ ustav fondi qanday tartibda shakllantiriladi?
MAS’ULIYATI CHEKLANGAN HAMDA QO‘SHIMCHA MAS’ULIYATLI JAMIYATLAR TO‘G‘RISIDA gi O'zbekiston Respublikasi Qonunining Jamiyatni ta’sis etish tartibi to'g'risidagi10-moddasiga asosan jamiyatning muassislari ta’sis shartnomasini tuzadilar va jamiyat ustavini tasdiqlaydilar. Jamiyatning ta’sis shartnomasi va ustavi jamiyat ta’sis hujjatlari deb hisoblanadi.
Usbu qonunning 12-moddasiga asosan ta’sis shartnomasida jamiyatning muassislari jamiyatni tuzish majburiyatini oladilar va uni tuzish yuzasidan birgalikdagi faoliyat tartibini belgilaydilar. Unda jamiyat ustav fondining (ustav kapitalining) miqdori va jamiyat har bir muassisi (ishtirokchisi) ulushining miqdori, jamiyat ta’sis etilayotganda uning ustav fondiga (ustav kapitaliga) hissalarni qo‘shish tartibi, miqdori, usullari va muddatlari ko'rsatib o'tiladi.
Bevosita kazusdagi holat bo'yicha to'xtalib o'tadigan bo'lsak, 2019-yil 15-yanvarda “Nodirbek” MCHJ ning taʼsischilari taʼsis majlisida jamiyatning ustav fondi 18 million boʻlishini kelishib oldilar va buni taʼsis shartnomasida mustahkamladilar hamda davlat roʻyxatidan oʻtdilar. Jamiyat yuriskonsulti ustav fondini bir yil ichida shakllantirish mumkinligini maʼlum qilganligi tufayli ustav fondi toʻliq shakllantirilmadi. Bu holatda MCHJ ning harakatlari qonunda belgilangan asoslarga ko'ra olib borilgan.
Ushbu qonunning 14-moddasiga asosan jamiyatning har bir ishtirokchisi ta’sis hujjatlarida belgilangan va jamiyat davlat ro‘yxatidan o‘tkazilgan paytdan boshlab bir yildan oshmaydigan muddat mobaynida jamiyatning ustav fondiga (ustav kapitaliga) o‘z hissasini to‘liq kiritishi kerakligi belgilab qo'yilganligini ko'rishimiz mumkin. Bu holatda jamiyat yuriskonsultining gaplari asosli ekanligini ko'rishimiz mumkin bo'ladi.