Yil kuzgi semestrda oʻtkaziladigan Biznes huquqi modulidan tayyorlangan yakuniy nazorat turi boʻyicha imtihon savollari

417-modda. Sotib oluvchining tovarni qabul qilish majburiyati Sotib oluvchi o‘ziga sotuvchi tomonidan topshirilgan tovarni qabul qilib olishi shart, u tovarni almashtirib berishni talab qilish yoki oldi-sotdi shartnomasini bajarishni rad etishga haqli bo‘lgan hollar bundan mustasno. Agar qonunchilikda yoki oldi-sotdi shartnomasida boshqacha tartib nazarda tutilgan bo‘lmasa, sotib oluvchi odatda qo‘yiladigan talablarga muvofiq tegishli tovarni topshirish va olishni ta’minlash uchun o‘zi tomonidan zarur bo‘lgan harakatlarni amalga oshirishi lozim. Sotib oluvchi qonunchilik yoki oldi-sotdi shartnomasini buzgan holda tovarni qabul qilmasa yoki qabul qilishdan bosh tortsa, sotuvchi shartnomani bajarishdan bosh tortish va zararni qoplashni talab qilishga haqli.437-modda. Mahsulot yetkazib berish shartnomasi Mahsulot yetkazib berish shartnomasiga muvofiq tadbirkorlik faoliyati bilan shug‘ullanayotgan mahsulot yetkazib beruvchi — sotuvchi shartlashilgan muddatda yoki muddatlarda o‘zi ishlab chiqaradigan yoxud sotib oladigan tovarlarni sotib oluvchiga tadbirkorlik faoliyatida foydalanish uchun yoki shaxsiy, oilaviy maqsadlarda, ro‘zg‘orda va shunga o‘xshash boshqa maqsadlarda foydalanish bilan bog‘liq bo‘lmagan boshqa maqsadlarda foydalanish uchun topshirish, sotib oluvchi esa tovarlarni qabul qilish va ularning haqini to‘lash majburiyatini oladi. Xulosa qilib aytadigan boʻlsak yuksalish MChJ pulni toʻliq qoplab berishi shart. Chunki ular oʻrtasida shartnoma imzolangan. Sud zararni undirib berish majburiyatini oladi. Yuksalish MChJ esa zararni toʻliq qoplab beradi.
	2019-yil 15-yanvarda “Nodirbek” MCHJ ning taʼsischilari taʼsis majlisida jamiyatning ustav fondi 18 million boʻlishini kelishib oldilar va buni taʼsis shartnomasida mustahkamladilar hamda davlat roʻyxatidan oʻtdilar. Jamiyat yuriskonsulti ustav fondini bir yil ichida shakllantirish mumkinligini maʼlum qilganligi tufayli ustav fondi toʻliq shakllantirilmadi. 2019-yil 26-fevralda ishtirokchilar jamiyatning umumiy yigʻilishida ustav fondini oshirish toʻgʻrisida qaror qabul qildilar va ustav fondini 145 million boʻlishini belgilab, taʼsis hujjatlariga oʻzgartishlar kiritdilar. Taʼsis hujjatlariga kiritilgan oʻzgartishlarni roʻyxatdan oʻtkazish uchun davlat xizmatlari agentligiga murojaat qilinganda, agentlik qonunchilikka zid ekanligini bayon etdi.