Bmti binosiga kelayotganimda bayrog’imizni ko’rib, odamni ko’z yoshi chiqishi, man o’zimni qattiq odam deb hisoblayman, mani kop’chilik boshqalar qattiqqo’l deydi, lekin shu payti ko’z yosh chiqishini men tabiiy deb hisoblayman

Farg’ona shahar 4-umumiy o’rta ta’lim maktabining 1 -“g” sinf o’quvchisi Latipova Ra’noning “O’zbekiston bayrog’i” deb nomlangan videoroligi.

BMTi binosiga kelayotganimda bayrog’imizni ko’rib, odamni ko’z yoshi chiqishi, man o’zimni qattiq odam deb hisoblayman, mani kop’chilik boshqalar qattiqqo’l deydi, lekin shu payti ko’z yosh chiqishini men tabiiy deb hisoblayman .

-Islom Karimov

 Oʻzbekiston gerbi va Oʻzbekiston madhiyasi kabi O‘zbekiston Respublikasining rasmiy davlat ramzi sanaladi. 1991-yil 31-avgustda Oʻzbekiston Respublikasi o‘z mustaqilligini e'lon qilganidan so‘ng 1991-yilning 18-noyabrida O‘zbekiston Respublikasi Oliy Majlisining VIII sessiyasida Oʻzbekiston Respublikasi Davlat bayrogʻi toʻgʻrisidagi qonun qabul qilingan.

O‘zbekiston Respublikasining Davlat bayrog‘i to‘g‘ri to‘rtburchak shakldagi matoda aks etgan bo‘lib, uchta asosiy gorizontal rangdor bo‘laklarga bo‘lingan. Ular: yorqin moviy, oq, yorqin yashil. Bu bo‘laklar orasini ikkita qizil rangdagi gorizontal chiziqlar ajratib turadi.

Bayroqdagi havorang — zangori osmon va musaffo suv ramzidir. Moviy — havorang Sharqda azaldan qadrlanadi, vaqtida buyuk Amir Temur ham oʻz bayrogʻiga bu rangni tanlagan.

Oq rang — tinchlik va poklik timsolidir. Yosh mustaqil davlat oʻz yoʻlida baland dovonlardan oshib oʻtishi kerak. Bayroqdagi oq rang Oʻzbekiston Respublikasi tanlagan yoʻlning musaffo va charogʻon boʻlishi uchun yaxshi niyat ramzidir. Qizil yoʻllar — bu har bir tirik jonning qon tomirida urib turgan hayotiy kuch, hayot ramzidir.

Yashil rang — serneʼmat va orombaxsh tabiat timsoli. Hozirgi vaqtda butun dunyoda atrof-muhitni muhofaza qilish harakatlari keng yoyilmoqda; uning ramzi ham yashil rangdir. Yarimoy — Oʻzbekiston xalqining koʻp asrlik anʼanalariga muvofiq keladi. Yarimoy va yulduzlar musaffo osmonning va tinchlikning ramzlaridir. Bayroqdagi 12 yulduz tasviri mukammallik belgisidir.