Yaxshi distrubyuterlik amaliyoti (gdp) umumiy qoidalari va talablari tayanch so’z va iboralar

Sifat tizimi

Sifat menejmenti tizimi yetkazib beriladigan dori vositalari va tibbiy buyumlarning sifati va butunligi saqlanishini ta’minlash, shuningdek, saqlash va yoki tashish vaqtida ularni qalbakilashtirishning oldini olish uchun uchun zarur bo’lgan xatti xarakatlar, tashkiliy tuzilma, faoliyat, jarayonlar va resurslarni o’z ichiga oladi.
Sifat tizimi to’liq hujjatlashtirilishi, uning samaradorligi monitoring va taxlil qilinishi kerak. Sifat tizimiga taalluqli bo’lgan xodimlarning xarakatlari tegishli yozma tartibda bayon qilinishi, «Sifat bo’yicha qo’llanma» joriy qilinishi va zamonaviy xolatda saqlanishi kerak.
Tashkilot raxbariyati tomonidan sifat tizimini tadbiq etish va aktual xolatini ta’minlash uchun Vakolatli shaxs tayinlanadi.
Sifat tizimining barcha tarkibiy qismlari malakali xodimlar, yetarli ravishda xonalar, uskunalar va texnik vositalar bilan ta’minlanishi kerak.
Sifat tizimini yaratishda, qo’llab-quvvatlashda yoki uni o’zgartirishda tashkiliy tuzilmani, amalga oshiriladigan ishlar va xizmatlar xajmini hamda distribyutorning faoliyatining ko’p tarmoqliligini xisobga olish kerak.
Distribyutorda mutanosib va samarali bo’lgan, hamda sifat bilan bog’lik xavfni boshqarish tamoyillariga asoslangan o’zgarishlarni boshqarish tizimi mavjud bo’lishi kerak.
Sifatni ta’minlash tizimi quyidagilarni kafolatlashi kerak:
a) dori vositalari va tibbiy buyumlar ushbu Qoida va O’zbekiston Respublikasining boshqa normativ-xuquqiy hujjatlari talablariga muvofiq ravishda sotib olinadi, saqlanadi, tashiladi, yetkazib beriladi yoki eksport qilinadi;
b) tashkilot raxbariyatining majburiyatlari aniq belgilanadi;
v) dori vositalari va tibbiy buyumlar tegishli qabulqiluvchilarga belgilangan vaqtda yetkazib beriladi;
g) tegishli xatti-xarakatlar amalga oshirilayotganda yoki tugagandan so’ng darxol xarakatlarni hujjatlashtirish amalga oshiriladi;
d) belgilangan tartib-qoidalardan chetlanish hujjatlashtiriladi va ularga nisbatan tekshiruvlar o’tkaziladi;
e) chetlanishlarni bartaraf etish va ularning paydo bo’lishiga yo’lqo’ymaslik uchun zarur bo’lgan tuzatuvchi va oldini olish xatti xarakatlari sifat bilan bog’liq xavflarni boshqarish tamoyillariga muvofiq xolda amalga oshiriladi.