|
R- bu “REPETITION” ya’ni takrorlash. Takrorlash bu eng oson va barcha uchun tanish bo`lgan usul hisoblanadi. Maktab davrlarimizda bizga o’qituvchimiz she’rni yod olib kelishga bersa, biz shunchaki 10-20 va ba`zan 30 marotaba yaxshilab takrorlash orqali yodlab aytib berar edik. Afsus, lekin yod olgan she`rlarimizning juda ko`pi katta bo’lganimizdan so’ng xotiramizdan o’chib ketadi. Bunga sabab to’gri takrorlashni bilmaganimiz va xotiramizning boshqa prinsiplarini birgalikda uyg’unlashtirib foydalanmaganligimizdir. Kelinglar, tan olaylik kim mana shunday uzoq vaqt talab qiladigan va biz uchun zerikarli bo`lgan quruq takrorlashni yoqtirar edi. Shunga qaramasdan, takrorlash ko`pincha foyda beradi. Xatto Al-Azhar Islomiy o’qishiga kiruvchi qorilar yoki o’zimizdagi ko’pgina masjidlardagi muattar qorilarning hammasi Qur’oni karimdagi oyatlarni 100-200 martalab takrorlash orqali miyasida qoldirib qo’yishadiku?
A - assotsatsiya ya’ni bog’lab olish ma`nosini beradi. Bizning miyamiz bir xuddi assotsatsiyalar qiluvchi mashinadir. Men sizga hozir Ruslan Chagaev deb aytadigan bo’lsam, sizlarda u bilan bo’giq bo’lgan so’zlarning assotsatsiyalari keladi: bokschi, chempion, Valuyev ustidan g`alaba qozongan, Germaniyada, Andijonlik, Jahon chempioni va hokazolar. Vaholanki, bu qoida miyamizning eng muhim qoidalaridan biri hisoblanadi. Siz xohlagan axborotni eslab qolmoqchimisiz, o’ziz biladigan fakt bilan yangi faktni birlashtirib, uni xohlagan muddatgacha eslab qolishingiz mumkin.
Xullas , siz hozir LIRA (Turkiya valutasi bo`lmish Lirami farqi yo’q bu ham sizda assotsatsiya qoldirdi, endi esingizda chiqmaydi) so’zi orqali xotiramizning asosi bo’lgan eng muhim tamoyillarini eslab qoldingiz. Bu qoidalarni anglab yetish judayam muhim bo’lib , keyinchalik aynan shu qoidalarni hayotga tatbiq qilish orqali katta hajmdagi axborotni kichkinagina miyangizga sig’dira olish imkoniyatiga ega bo`lasiz. Ishonavering!
MAR
13
03/14 yoki 14-mart PI soni kuni muborak!!
Bugun 14- mart, yilning 3- oyining 14 - kuni. Bu qanday kun bo’lishi mumkin? . Ayrim matematiklar bu kunni Pi soni kuni qilib nishonlashadi ya’ni Pi sonining eng muhim bo’lgan uch raqami orqali 3 va 14 aniqlashadi.
PI soni aslida hech oxiri tugamaydigan, matematik o’zgarmas son hisoblanadi.Uni qarangki, tinib tinchimagan odamlar bu songa ham maxsus kun ajratishgan ekan. Dastlab 1988 yil AQShdagi Lerri Shuv ismli fizik olim tomonidan taklif bilan chiqilgan va, hozirda bu kun AQSH Qonunchilik Palatasi tomonidan Milliy bayram sifatida qabul qilingan kun hisoblanadi.
Bu kunning ajoyib an’analaridan biri esa pirog tanavvul qilish ekan. Negaki, ingliz tilida PI yunoncha harfini talaffuz qilinganda PIE (pay) ya’ni pirog deb aytilinadi. Shuning uchun ham bu kunda “ba’zi botaniklar” pirog yeyish bilan shug’ullanar ekan.
Doimo yangiliklarni qidirishda yordamchi bo'lgan, zamonamizning eng oldi kompaniyalaridan biri Google ham odatda bu kunni esidan chiqarmaydi (axir u yerda ham bir nechta “botaniklar” bor). Har bir kunga moslashuvchi Google tezkor qidiruv tizimi rasmi ham bu kunga bag’ishlab DOODLE(dudl) ishlab chiqibti. Quyidagi rasm 2010 – yilning , 14-martidagi Google qidiruv tizimiga o’rnatilgan rasmning aynan o’zi!
π ilk bor Arximed tomonidan topilgan bo’lib, keyinchalik ko’plab matematiklar uning aniq qiymatini hisoblab cheksiz darajadagi raqamlarini aniqlashga erishgan. Pi ning ma’nosi aylananing uzunligini uning diametriga bo’lish orqali hisoblanadi. Endi savol tug’ilishi mumkin, nima sababdan Pi haqidagi maqolani ushbu blogimga hozir yozmoqdaman? Javobi esa oddiy. Hozirda ko’plab joylarda Pi raqamini eslab qolish bo’yicha chempionatlar ham uyushtiriladi, va uni eng ko’p eslab qolgan insonga hamma “boshqacha” nigoh bilan qaraydi.Dunyo rekordi esa xitoylik Lu Chaoga tegishli, u 24 soatu 5 minut davomida Pi sonining 67 890 raqamini ketma ket eslab bera olgan va Ginnesning Rekordlari kitobiga kiritilgan. Eng qizig’i , dunyoda Pi raqamini eslab qolishning ko’plab usullari mavjud bo’lib,masalan raqamlarni she’rga aylantirib, rekordchi Lu Chao aynan Xotira Chempionati qatnashchilari foydalanadigan Loki metodikasidan foydalandi. U metodikani asosiy mazmuni shundaki, yodlab qolinayotgan raqamlar o’zingizga ma’lum bo’lgan makonga bog’lash orqali eslab qolinadi. Voqealar rivojini kuzatib boramiz, keyinchalik kim Pi soninng 100 000 ta raqamini eslab qolarkan. (Men faqatganina shuncha raqamni tekshiradigan insonga achinaman:)) )
Do'stlaringiz bilan baham: |
