Xom- ashyo hisoblanadi. Don ekinlaridan inson uchun zarur oziq-ovqat mahsulotlari un va yorma ishlab

II Don va don mahsulotlari

2.1. O‘zbekistonda don mustaqilligiga erishish va uning ahamiyati

O‘zbekistonning so‘nggi yillarda qo‘lga kiritgan siyosiy va iqti- sodiy mustaqilligi, uning nihoyatda teran, har tomonlama puxta ishlab chiqilgan mustaqil iqtisodiy siyosatning yaratilishini taqozo etadi. Zero, bunday iqtisodiy siyosat respublika xalq xo‘jaligining mustahkam bozor iqtisodiyoti poydevorini qurish uchun zarur im- koniyatlarni yaratib, zamonaviy chet el texnika va texnologiyalari- ni, fanning eng so‘nggi yutuqlarini va ilg‘or tajribalarini joriy etish- ga imkon berishi kerak.

Bu borada qishloq xo‘jaligi va unga aloqador qayta ishlash so- halarini rivojlantirish nihoyatda muhim ahamiyat kasb etadi. Maz- kur sohalarning rivojlanishi O‘zbekiston Respublikasi aholisining eng zarur oziq-ovqat mahsulotlariga bo‘lgan ehtiyojlarini qondirish bilan bir qatorda, qishloq xo‘jaligi mahsulotlarini yanada samara- liroq qayta ishlashga turtki bo‘ladi. Ana shunday o‘ta dolzarb masala- lardan biri aholini un va non mahsulotlariga bo‘lgan ehtiyojini qondirishdir. Albatta, bozor iqtisodiyotiga o‘tish sharoitida bu mu- ammoni faqat respublikamizning g‘alla mustaqilligiga erishishi orqa- ligina hal etish mumkin bo‘ladi.

Respublikamiz uchun nihoyatda muhim bo‘lgan ushbu mu- ammoni hal etish uchun oziq-ovqat sanoati sohalarini har to- monlama rivojlantirish, asosiy oziq-ovqat sanoatidagi eng muhim soha esa un va yorma ishlab chiqarish sohasidir. Shu sababli ham «O‘zdonmahsulot» aksiyadorlik kompaniyasi tomonidan so‘nggi yillar davomida mahalliy bug‘doy (arpa, sholi, javdar va boshqa) navlaridan yuqori sifatli mahsulot ishlab chiqarishni ko‘paytirish rejalashtirilgan.

Un ishlab chiqarish texnologiyasi va asbob-uskuna jihozlarining murakkabligi, ijtimoiy-iqtisodiy muammolarini hal etish, ularni tako- millashtirish masalalarini ko‘ndalang qo‘yadi. Buning uchun bar- cha texnologiyalarini alohida o‘rganib, ularning qay darajada sa- maradorligini hisoblab chiqish lozim. Ana shunday tadqiqotlar nati- jasida yangi hamda mavjud texnologik usullar va uslublarning tako- millashtirilgan shakllari vujudga keladi, bularning barchasi amalda ishlab turgan va yangidan ishga tushirilayotgan korxona va sanoat tarmoqlarining rivojini ta’minlaydi.

Demak, un ishlab chiqarish sanoatining o‘ziga xos jihatlarini o‘rganish, mahalliy va chetdan keltirilgan urug‘lik don navlarinig o‘ziga xosligini tadqiq etish, texnika va texnologiyalarni takomil- lashtirish, mahsulot sifatini oshirish nihoyatda muhim iqtisodiy aha- miyatga ega.