Xodimlarini qayta tayyorlash va ularning malakasini oshirish hududiy markazi

O`QITISh ShAKLLARI

Mazkur modul bo‘yicha quyidagi o‘qitish shakllaridan foydalaniladi:

• 
  ma'ruzalar, amaliy mashg‘ulotlar (ma'lumotlar va texnologiyalarni anglab olish, aqliy qiziqishni rivojlantirish, nazariy bilimlarni mustahkamlash);
  
• 
  davra suhbatlari (ko‘rilayotgan topshiriqlar yechimlari bo‘yicha taklif berish qobiliyatini oshirish, eshitish, idrok qilish va mantiqiy xulosalar chiqarish);
  
• 
  bahs va munozaralar (topshiriqlar yechimi bo‘yicha dalillar va asosli argumentlarni taqdim qilish, eshitish va muammolar yechimini topish qobiliyatini rivojlantirish).
  

KO`CHMA MASHG‘ULOTLAR MAZMUNI
1-mavzu: Ona tili darslarida bilim, ko‘nikma, malakalarni nazorat qilishning zamonaviy texnologiyalari ( 2 soat ko‘chma mashg‘ulot).
Boshlang‘ich sinf ona tili darslarida tashkil etiladigan nazorat va ijodiy topshiriqlarni tashkil etilishini kuzatish. Kompetentsiyaviy yondashuv asosidagi davlat ta'lim standarti va o‘quv dasturi bo‘yicha nazorat ishlariga qo‘yiladigan talablarni o‘rganish. Ona tili darslarida o‘quvchilarning grammatik bilimlarini tarkib toptirish jarayonini tahlil qilish. O`quvchilar nazorat ishlarini tekshirish va tahlil qilishdagi qiyinchiliklarni aniqlash.
2-mavzu: O`qish darslarida matn ustida ishlash orqali badiiy asarni tahlil qilish kompetentsiyasini shakllantirish. Sinfdan tashqari o‘qish darslarini tashkil etishga zamonaviy yondashuv ( 2 soat ko‘chma mashg‘ulot).
O`qish darslariga qo‘yilgan maqsadlar va ularni amalga oshirilishini kuzatish va tahlil qilish. O`qish darslarida matn ustida ishlash orqali badiiy asarni tahlil qilish kompetentsiyasini shakllantirish jarayonini kuzatish. Sinfdan tashqari o‘qish darslarini tashkil etishdagi innovatsiyalarni o‘rganish. O`qish darsini kuzatish va uni didaktik (ta'limiy) va uslubiy tahlil qilish.
3-mavzu: Matematikadan algebraik (arifmetik amallar, harfiy ifodalar, tenglamalar yechish) materiallar ustida ishlash texnologiyasi (2soat ko‘chma mashg‘ulot).
Matematika darslariga qo‘yilgan maqsadlar va ularni amalga oshirilishini kuzatish va tahlil qilish. Matematika darslarida algebraik (arifmetik amallar, harfiy ifodalar, tenglamalar yechish) materiallar ustida ishlash texnologiyasi kompetentsiyasini shakllantirish jarayonini kuzatish. Matematika darsini kuzatish va uni didaktik (ta'limiy) va uslubiy tahlil qilish.
4-mavzu: Boshlang‘ich ta'lim matematika fanidan masalalar yechishga zamonaviy yondashuv
Boshlang‘ich sinflarda masalalar yechishga o‘rgatish, masalani eshitish va uni mustaqil o‘qish malakasini shakllantirish jarayonini tahlil qilish. Masalaning boshlang‘ich tahlilini o‘tkazish, masalani qisqa yozish, masalani yechish uni o‘qituvchi talabiga binoan yozish va masala savoliga javob berish malakasini shakllantirish jarayonini kuzatish.
Ko‘chma mashg‘ulot “Boshlang‘ich ta'lim fanlarini o‘qitish metodikasi” moduli doirasida, talab darajasidagi moddiy-texnika bazaga ega va ilmiy-uslubiy jihatdan tajribali umumiy o‘rta ta'lim boshlang‘ich ta'lim fanlari o‘qituvchilari faoliyat ko‘rsatayotgan maktablarda tashkil etiladi.