Xalqaro tijorat ishi

Transportda etkazib berish. Qadoqlashni tanlab olish davomida shartnoma usuliga, masofa va yuklash vaqtiga, yo‘lda tovarlarni qayta yuklash mumkinligiga, yuklash davomida tabiiy holatini yo‘qotish mumkinligiga, temperatura holatiga, ob-havo sharoitiga, yuklash uchun haq to‘lash sharoitiga, boshqa turdagi yuklar bilan o‘rindoshligiga e‘tibor berish zarur.
20-rasm. Transportda etkazib berish

Dengiz orqali yuklarni tashish davomida turli yuklarning bir-biriga ta’siri, hamda dengizdagi chayqalishlarni yukga ta’siri, tryumlarning chuqurligi va yuklarining hajmi va tashqi muhitni ifloslantiruvchi narsa va hidlarning ta’sirini hisobga olinishi kerak.
Temir yo'l orqali yuklarni tashish davomida, yo‘lda to‘satdan to‘xtash natijasida chayqalishni, ko‘prik va tunellar o‘lchamlari, yuk tushirish joylarining shakli va vaznini hisobga olish lozim. Ochiq turdagi temir yo‘l platformalarida yukni tashish davomida ularning tashishga ta‘sirini hisobga olish, yuk hadoqini namlik ta‘sir qilmaslik choralarini ko‘rilishi shart.
Yukni aviatsiya transportida tashishda yuk qadog‘i maksimal darajada engil bo‘lishi kerak, chunki aviatashish xarajatlari juda qimmat, avia kompaniyalar tomonidan tez yonuvchan yuklarga alohida talablar qo‘yilgan. Umuman bunday yuklar yong‘inga chidamli va puxta qadoqlarga qadoqlanashi shart. Shu bilan birga yuklarga chayqalish tasirining umuman yo‘g‘ligi, tovarlarni ortish va tushirish davomida mahsulot qadoqlariga yuqori talablar qo‘yilmaydi.
Avtomobil bilan yukni tashish davomida, qadoqlash xarakteri, tovar turiga, avtomashinaning yuk ortish hajmiga, yo‘llarning holatiga va boshqa sharoitlarga bog‘liqdir. Ob-havo ta‘siri munosabati bilan yuklar qadog‘iga talablar o‘zgachadir, tropik iqlimli mamlakatlarga etkazib beriluvchi (o‘rtacha temperatura harorati 30-40 daraja) tovarlarni qadoqlash jarayonida alohida talablar qo’yiladi. Bu mamlakatlarga etkazib beruvchi yuklar qadog’iga alohida talablar: ya’ni, maxsus tayyorlangan materiallar bilan o’ralishi shart, ko’pincha qadoqlash uchun zich yopiladigan eshiklar, yoki temir konteynerlar qo’llaniladi.