Xalqaro tijorat ishi

6 BOB .XALQARO OLDI-SOTDI SHARTNOMALARINING
BAJARILISHINI NAZORAT QILISH

1. 
   Tovarni jo'natishga tayyorlash
   

Oldi-sotdi shartnomalarini (kelishuvlarining) ijro etish uchun, tomonlar o‘z zimmalariga olgan majburiyatlarni bajarishi ya‘ni: sotuvchi tomonidan shartnoma (kelishuv) predmeti bo’lmish tovarni xaridorga etkazib berish, xaridor tomonidan tovarni belgilangan narxini to’lashdan iboratdir.
U majburiyatlarini bajarishi uchun, sotuvchi tovarni jo‘natish uchun tayyorlashi, kerakli hujjatlarni yig‘ib xaridorga etkazib berishi va mahsulot uchun to‘lovlarni qabul qilishi, tayyorgarlik ishlarini nihoyasiga etkazishi shart. Agar kelishuvda mashinalar va xar hil asbob-uskunalar, jihozlarlar etkazib berish majburiyati bo‘lgan holda shartnoma (kelishuv)ga, etkazib bergan tovarni texnik xizmat ko‘rsatishini ham hisobga olish kerak.
Tovarni jo‘natishga tayyorlash sotuvchi tomonidan ma‘lum talablarni bajarilishi ya‘ni, tovarni qadoqlanishiga va tamg‘alashga talablarni, tovarlar etkazib berilayotgan davlat bojxona talablarini ham hisobga olish kerak.
Bu talablar hilma-hildir va xar hil davlatlar transport turlari, tovarlari uchun o‘ziga xos xususiyatlari bor.
Mahsulotni qadoqlash talablari.
Tovarni ishlab chiqaruvchidan sotuvchiga etkazib berishda mahsulotni qadoqlashga aniq talablar asosida to‘g‘ri va ratsional yondashish lozim.
Bunda mahsulotning xususiyatlari, masalan, holati, tashqi ko‘rinishi, rangi, vazni, miqdori, fizikaviy va kimyoviy ta‘siriga aloqasini hisobga olish kerak. Shu sababli qadoqlashga quyidagi talablar qo‘yiladi: qadoqni tashqi ko‘rinishi, tovarni xususiyatiga javob berishi, mahsulot qadog‘i uni etkazib berish jarayonida mahsulotni yuklash va tushirish ishlarini hisobga olgan holda butunligini saqlanishiga javob berish kerak.