Xalqaro tijorat ishi

Konsignatorning majburiyatlari. Agar shartnomada kelishilgan bo‘lsa, konsignator majburiyatlariga quyidagilar kiradi:

• 
  konsignatsion ombor uchun joy tayyorlash, unda ishlash uchun personal topish, tovarlarni o‘z mamlakatiga olib ketish uchun ruhsatnoma olish (import litsenziyasi);
  

-tovarlarni konsignatsion ombordaligida ularning sifatini to‘liq saqlash (masalan, metall mahsulotlarini zanglashdan saqlashni ta‘minlash, oziq- ovqat mahsulotlari uchun zarur iqlimiy tartibni yaratish). Aks holda zararni konsignatorning o‘zi to‘lashga majbur;

• 
  konsignator omborini tashkil qilish bo‘yicha, personal topish, tovarlarni transportirovka qilish, bojxona bojlarini to‘lash, sug‘urta to‘lovi, reklama xarajatlari va boshqa choralar bo‘yicha to‘lovni amalga oshirish;
  
• 
  konsignatsion ombordagi tovarlarni sug‘urtalash, dastlabki sug‘urta jamiyatida o‘z hisobiga, konsignant foydasiga va unga sug‘urta xujjatlarini o‘z vaqtida uzatish;
  
• 
  konsignant manfaatlarini ta‘minlashda nufuzli bank kafolatini taklif etish;
  
• 
  reklama, namoyish zallarida tovarlarni ko‘rsatishni amalga oshirish va sotuvdan keyingi texnik xizmat ko‘rsatish;
  
• 
  sotishga kirishish va ombordagi zaxira tovarlar haqida konsignantga hisobotlarni, shuningdek, bozor konyunkturasi holati haqida va raqobatchilardagi o‘xshash tovarlarning narx darajasi haqidagi axborotlarni o‘z vaqtida etkazish.
  

Konsignant majburiyatlari. Shartnomada konsignantning quyidagi majburiyatlari ko‘rsatilgan:

• 
  konsignatsion omborga tovarlarni kelishilgan miqdorda va turida etkazib berish xamda kelgusida ma’lum darajada zaxira tovarlarini qo‘llash;
  
• 
  konsignatsion omborxonaning tarkibiy qismi bo‘yicha xarajatlarni to‘lash. Bu shart ayrim G‘arbiy Evropa mamlakatlari konsignatsiya operatsiyalarining asosiy belgisi hisoblanadi.