Xalqaro tijorat ishi

Tovarni qaytarish tartibi. Shartnomada agar tovarlar belgilangan konsignatsion muddatda sotilmay qolsa, ularni qaytarish uchun ketadigan xarajatlar haqidagi masalalar haqida ham to‘xtalib o‘tilgan. Bu masala har bir vaziyat uchun alohida echiladi va bunda konsignator mamlakati qonunchiligi hisobga olinadi. Konsignator tomonidan tovarlar qaytarilishining ko’p tarqalgan shartlaridan franko - chegara va fob (o’z mamlakatining porti) hisoblanadi. Tovarlarni tashish bo‘yicha keyingi xarajatlarni konsignant oladi.
Agentlik shartnomasi
Kelishuv tomonlari. Kelishuv tomonlari printsipial va savdo (tijorat agenti) agentlaridan iboratdir. Kelishuv tomonlari bir-biriga jismoniy va yuridik jihatdan bog‘liq bo‘lmagan mustaqil shaxslar hisoblanadilar. Kelishuvda tomonlarning to‘liq nomlanishi, manzillari va har bir tomonning huquqiy holati, faoliyat turi, qayd qilish joyi va sanasi aniq ko‘rsatiladi.
Printsipial va agent o'rtasidagi o'zaro munosabatlarning xarakteri. Printsipial tomonidan agentga taklif etilgan vakolatlar hajmi bo‘yicha agentlarni printsipial nomidan va hisobidan bitimlarni imzolash huquqiga ega yoki ega emasligini ajratish lozim. Agentga kafolat va topshiriq berish, printsipial taqdimoti va unga qarshi boshqarish, printsipial nomidan kreditlarni taqdim etish vakolati berilishi mumkin.
Tovarni aniqlash. Kelishuvda ular tomonidan qamrab olingan tovarlar ko‘rinishlari, ba‘zan ulardan foydalanishni ko‘zlash haqida ham gapiriladi.
Hududni aniqlash. Bu shartda (xuddi yuqoridagi kelishuvlar kabi) agentga operatsiya olib borish huquqi berilgan hudud haqida ham gapiriladi.