Xalqaro tijorat ishi

Shartnoma tomonlari. Konsignatsiya shartnomasida konsignant va konsignator tomonlari mavjud bo‘ladi. Konsignant - shaxs yoki firma bo‘lib, omborlardan tovar sotish bo‘yicha bitimlarni xorijda amalga oshirish haqida topshiriq beradi. Konsignator - shaxs yoki firma bo‘lib, omborlardagi tovarlarni o‘z nomidan, lekin konsignant hisobiga sotish bo‘yicha bitimlarni sotish bo‘yicha topshiriqlarni qabul qiladilar va bajaradilar.
Tovarni aniqlash. Konsignatsiyaga qo‘yilgan tovar nomenklaturasi va miqdori shartnomaning ajralmas qismi hisoblangan spetsifikatsiya bilan yoki shartnomaning o‘zi bilan shartlashadi. Konsignatsiyaga qo‘yilgan tovarlar qat‘iy konkretlashtirilgan, masalan, mahsulot turi va markasi ko‘rsatilgan bo‘ladi. Bu bo‘limda konsignatsiyada bo‘lishi mumkin bo‘lgan tovarlarning maksimal miqdori ham aniqlanadi.
Hududni aniqlash. Shartnomada konsignator tovarlarni sotish huquqiga ega bo’lgan hududlar haqida ham kelishib olinadi. Bunda ko‘pincha konsignator tovarlarni konsignantning dastlabki yozma kelishuvisiz shartnoma hududidan tashqarida sotish huquqiga ega emasligi haqidagina emas, shuningdek, xaridorlar bilan oldi-sotdi shartnomasida u o‘z shartlarini - o‘z navbatida, ular ham konsignantning yozma kelishuvisiz shartnoma hududi tashqarisida tovarlarini sota olmasliklari haqida ham kelishib oladilar.
Konsignatsiya muddati va shartnomaning amal qilish muddati. Shartnomada muddati ham ko‘rsatiladi. Unga muvofiq, konsignatsiyaga qo‘yilgan tovarlar ko‘rsatilgan muddatda sotilishi lozimligi haqida aytilgan. Konsignatsiya muddati amaliyotda turlicha, lekin ular 6-24 oy o‘rtasida tebranib turadi. Mashana va uskunalar uchun konsignatsiya muddati 12 oyni tashkil qiladi.
Konsignatsiya shartnomasining amal qilish muddati konsignatsiya muddatidan ko‘p bo‘ladi. Ko‘pgina kelishuvlarda u bir yildan 5 yilgacha vaqtni o‘z ichiga oladi. Shartnomaning amal qilish muddati tugagandan so‘ng uning faoliyati tugatilayotganda konsignatsiyada bo‘lgan va hisob- kitobi tugallanmagan tovarlarning barcha turlariga munosabatda uning shartlari haqiqiy hisoblanadi.