Xalqaro jurnalistika va jamoatchilik bilan aloqalar fakulteti xalqaro jurnalistika va jamoatchilik bilan aloqalar kafedrasi sabriddinov asliddin diyoriddinovich

Tadqiqotning obʼekti va predmeti. “Uzreport” va “O’zbekisto24” telekanallariidagi informatsion chiqishlar tadqiqot obʼektini tashkil etadi. Oʼrni kelganda qiyos uchun boshqa milliy va xorij telekanallaridan ayrim misollar keltiriladi.
Tadqiqot predmeti sifatida axboriy koʼrsatuvlarni tayyorlash va efirga uzatishdagi jurnalistlar mahoratidagi oʼziga xosliklar, mavzular tahlili oʼrganildi.
Tadqiqotning metodologik va uslubiy asoslari. Oʼzbekiston Respublikasi Konstitutsiyasi, ommaviy axborot vositalari sohasiga doir Qonunlar, Oʼzbekiston Respublikasi Prezidenti Islom Karimov asarlarida bayon etilgan yoʼl-yoʼriqlar, axborot olish, qayta ishlash va tarqatish sohasidagi xalqaro deklaratsiya, pakt, shartnoma, protokollar, shuningdek, zamonaviy jurnalistika nazariyasi va amaliyotiga, shuningdek turdosh sohalarga doir asarlar ishning metodologik va nazariy asoslarini tashkil etadi. Tadqiqot uchun jurnalistika, sotsiologiya, filologiya, siyosatshunoslik, sanʼatshunoslik kabi ijtimoiy-gumanitar sohalar boʼyicha olib borilgan ilmiy izlanishlar, chop etilgan adabiyotlar ham muhim nazariy manba vazifasini oʼtadi.
Tadqiqot uslublari. Ishni yozishda oʼzbek va jahon jurnalistika ilmida sinovdan oʼtgan qiyosiy-tipologik uslubdan foydalanildi.
Ishning ilmiy yangiligi. Аudiovizual jurnalistikaning muhim boʼlagi hisoblangan telejurnalistika sohasi oʼrganish uchun yirik izlanish obʼekti hisoblanadi. Ishda axboriy koʼrsatuvlarni tayyorlash va efirga uzatishdagi jurnalistlar mahoratidagi oʼziga xosliklar, mavzular tahlili “Uzreport” telekanalidagi informatsion chiqishlar misolida oʼrganilgan. Zamon oʼzgarishi, axborot-kommunikatsiya texnologiyalarining joriy etilishi, axborot yetkazishda yangi uslub va yoʼnalishlarning yuzaga kelishi axborot dasturlarini yanada chuqurroq oʼrganishni talab qilmoqda. Televidenie sohasida qator magistrlik va nomzodlik dissertatsiyalari himoya qilingan. Televidenieda axboriy koʼrsatuvlarni tayyorlashda jurnalistlar mahoratining “Uzreport” telekanalidagi informatsion chiqishlar asosida maxsus tadqiq etilgani ushbu bitiruv malakaviy ishining asosiy ilmiy yangiligidir.