Xalqaro jurnalistika va jamoatchilik bilan aloqalar fakulteti xalqaro jurnalistika va jamoatchilik bilan aloqalar kafedrasi sabriddinov asliddin diyoriddinovich

Muammoning oʼrganilganlik darajasi. Televizion jurnalistikaning xos xususiyatlari G.V.Kuznetsov, V.L.Tsvik, А.Ya.Yurovskiy, N.V.Vakurova, V.V.Voroshilov, Ye.V.Pobereznikova, Ya.P.Zasurskiy, Ye.Proxorov kabi rus olimlari asarlarida tadqiq qilingan. Shuningdek, boshqa xorijiy mamlakatlarda chop etilgan kitob, maqola va tadqiqotlarda yangilik tayyorlash nazariyasi, amaliyotiga oid ayrim fikrlar kuzatiladi. Ular ishimizda nazariy manba sifatida oʼrganildi.
Mamlakatimizdagi olim va mutaxassislar Yu.Hamdamov, Sh.Ibragimov, P.Аllambergenova, Yu.Аrtiqova, I.Аbduxoliqov, А.Karimov, N.Qosimova, A. Nurmatov, F.Mo’minov tadqiqotlarida televidenie sohasiga oid turli muammolar tahlilga tortilgan. “Oʼzbekiston matbuoti” jurnali, “Oʼzbekiston adabiyoti va sanʼati”, “Hurriyat”, “Sado” gazetalarida va boshqa ayrim nashrlarda mavzuga doir kichik maqolalar, taqrizlar uchraydi, xolos. Shuningdek, har yili anʼnaviy tarzda oʼtkazib kelinayotgan ilmiy-amaliy anjumanlarda qilingan maʼruza, tezis va maqolalarida ham informatsion chiqishlarga oid ayrim fikr-mulohazalar bildirilgan.
Tadqiqotning maqsadi: Аxboriy koʼrsatuvlarni tayyorlash hamda uzatish borasidagi jurnalistlar mahoratini yangi va zamonaviy talablar asosida oʼrganish, mahorat masalalarining ahamiyatini nazariy asoslash, soʼnggi yillar davomida “Uzreport” hamda “O’zbekiston24” telekanallarining informatsion dasturlarining oʼziga xos xususiyatlarini tayin etish, chiqishlarning nazariy tamoyillarini, ilmiy mezonlarini belgilash, yangilik tayyorlashning zamonaviy formatlarining jarayon sifatida tahlilga tortish, ilmiy umumlashmalar chiqarishdan iborat.
Tadqiqot vazifalari. Milliy telekanallarida axboriy koʼrsatuvlar tayyorlash turlicha uslub va formatda taqdim etiladi. Ishdan koʼzlangan asosiy maqsad va vazifalarni belgilashda ana shu jihatlar inobatga olindi.
Televidenie dasturlari tizimida axborot dasturlarining tutgan oʼrni, hajmi, miqdori, efir davomiyligi va boshqa jihatlar ishda atroflicha yoritiladi;
Milliy telekanallarida efirga uzatiladigan axborot dasturlari tizimida “Uzreport” va “O’zbekisto24” telekanallining informatsion blokining oʼrni va mavqei oʼrganiladi;
Zamonaviy axboriy koʼrsatuvlarining oʼziga xosliklari chiqishlar orqali ochib beriladi;
“Uzreport” telekanalida informatsion chiqishlarning yutuqlari, kamchiliklar, eʼtibordan chetda qolayotgan jihatlar, qoʼllanilmayotgan usul va formatlar borasida ham fikr-mulohazalar bildiriladi;
Аxboriy koʼrsatuvlarda ish olib borayotgan jurnalistlar mahorati masalalari, yutuq, kamchilik, muammolar xususida ham gapiriladi, muammolarni bartaraf etish borasida takliflar kiritiladi.