Xalqaro jurnalistika fakulteti xalqaro jurnalistika nazariyasi va amaliyoti

Facebook sahifalari:
Facebook tarmog‘ida barcha telekanallar o‘z sahifasida teledasturlarining qisqa anonslarini, lavhalarini berib borar ekan. Shuningdek, ularning har biri reklama materiallarini ham joylab boradi. “Futbol tv” 829 000 ta. Obunachilari soni bo‘yicha yuqori o‘rinni egallagan mazkur telekanal sahifasida auditoriyaning deyarli 98 %ini erkaklar tashkil qilar ekan. Shuningdek, mazkur sahifada eng ko‘p beriladigan postlar sirasiga eng mashhur gollar, mashhur futbolchilarning intervyulari hamda qiziqarli futbol voqealari aks etgan videolar kirar ekan. “Yoshlar” 9 400 ta. Boshqa telekanallarga nisbatan auditoriyasi kichkina bo‘lgan mazkur telekananal ijtimoiy tarmoqlarda ancha sust. Bunga sabablardan biri uning balki davlat kanali bo‘lganligidadir. “UzReport Tv” 47 000. Mazkur kanalda eng ko‘p siyosiy xabarlar berib borilar ekan. Shuningdek, auditoriya ayni mana shu kanalda beriladigan ma’lumotlarni ulashar ekan. Buga asosiy sabablardan biri esa, ma’lumotlarning ishonchli ekanligidadir. “Sevimli Tv” 24 000. Mazkur kanalning sahifasida berib boriladigan postlarga auditoriya juda ham ko‘p kommentariyalar (izohlar) qoldiradi. Ayniqsa, “Zirapcha” ko‘rsatuvi ishtirokchilarining intervyulari, “Zamon” informatsion dasturida beriladigan voqealar, axborotlar auditoriyani bahs-munozaralarga chorlaydi. “Mening yurtim” 16 000. Mazkur kanalning Facebook tarmog‘ida obunachilar soni ko‘p bo‘lsa ham, auditoriyaning postlarga nisbatan reaksiyasi, ya’ni munosabati e’tiborli darajada emas. Bunga asosiy sabablardan biri, mazkur tarmoqda ko‘pincha kinolarning, serial va ko‘rsatuvlarning qisqa lavhalari berib borilishida ekan. Ammo kanalning bahs-munozaralarga boy bo‘lgan ba’zi ko‘rsatuvlariga bildirilgan munosabatlar ham anchagina. “Milliy Tv” 39 000 tani tashkil qilar ekan. Mazkur tarmoqda eng ko‘p beriladigan va auditoriya tomonidan ulashiladigan postlardan biri “Bola tilidan” ko‘rsatuvidan parchalardir. Izohlarni ham ko‘zdan kechirganimizda ayni mana shu postlarga nisbatan auditoriya juda katta qiziqish va yuqori kayfiyatda tomosha qilishini ko‘rish mumkin. Mavsumga qarab, tarmoqdagi postlarning mazmuni, dizaynlari ham o‘zgarib boradi. Har bir joylanadigan materiallar kanallarning o‘z logotip belgilari bilan chiqariladi. Shunda ularning hech bir kontenti o‘g‘irlanmaydi.