Xalqaro jurnalistika fakulteti xalqaro jurnalistika nazariyasi va amaliyoti

Internet-radio yoki veb-radio — audiomaʼlumotlarni tarmoq orqali uzatishdir.
Internet-radiopriyomnik — internet orqali radiostansiyalarni tinglashga imkon beruvchi qurilma.
Internetning rivoji avvalo analog radiostansiyalarning elektron koʻrinishlarining yaratilishiga turtki boʻldi. Ilk onlayn radio “Internet Talk Radio” 1993-yilda AQSHda oʻz faoliyatini boshlab, tez orada butun dunyoda oʻz tinglovchilariga ega boʻldi. Rossiyada 1996-yilda “Yevropa plyus”, «Serebryaniy dojd», “Radio 101” lar tezda reytingning yuqori pogʻonalariga koʻtarilishdi. Oʻzbekistonda onlayn radio ham zamonaviy radiolarning internetdagi koʻrinishi sifatida yuzaga keldi. Respublikamizda birinchi “Sharqona” onlayn radiosi 2007-yil 9-dekabrda «Global media grupp» kompaniyasi tomonidan yaratilib, ish boshladi.
Internet radio qanday ishlaydi? Stansiya — audiooqimni generatsiya qilib, uni serverga yuboradi. Server uni qabul qilib, oʻziga ulangan mijozlarga uzatadi. Mijoz serverdan audiooqimni qabul qilib, uni audiosignalga aylantiradi va aynan ana shu signalni tinglovchi tinglaydi. Ovozli maʼlumotlardan tashqari matnli metamaʼlumotlar ham stansiya va joriy kompozitsiya haqida tasavvurga ega boʻlish uchun sizning pleyeringizga uzatiladi⁵¹.
Internet eshittirishlar uchun bugungi kunda juda ham serverlar mavjud. Ulardan eng mashhuri Nullsoft kompaniyasining Shoutcast serveri boʻlib, u maxsus Winamp proigrivateli uchun yaratilgan. Shuningdek, server Icecast koʻproq funksionalikka ega. U bir nechta audiooqimni uzatish qobiliyatiga ega. Serverlar audiomaʼlumotlar formatlariga koʻra farqlanadi: MP3, Ogg/Vorbis, RealAudio.
Aytish joizki, onlayn radioning efirli radioeshittirishga hech qanday aloqasi yoʻq.
Onlayn radio oldindan tayyorlangan mp3-fayllar hamda mikrofon, boshlovchi va internet orqali audiooqimlardan iborat jonli efir tarzda uzatilishi mumkin. Afzalligi onlayn radio orqali siz butun jahonga oʻz eshittirishlaringizni uzatishingiz mumkin. Onlayn radioning oddiysidan uchta ajralib turuvchi xususiyati mavjud: