V=k[A]a [B]

Organik polimerlar. Ular bog‘langan metall kompleks katalizatorlar olishda tashuvchi sifatida qo‘llaniladi. Polistirol, polipropilen, poliakrilatlar, polivinilxlorid va qator qo‘shpolimerlar shular jumlasiga kiradi. Organik polimerlar fermentlarni immobilizatsiyalash jarayonida ham ishlatiladi.
Geterogenlashtirilgan metall kompleks katalizatorlar va immobilizatsiyalangan fermentlar olishda boshqa tashuvchilarga nisbatan organik polimerlarning ustunligi quyidagilardan iborat:

• 
  ko‘pchilik uglevodrodli polimerlarning sirti metall oksidlariga nisbatan kimyoviy inert va ular katalitik reaksiyalarga xalaqit bermaydi.
  
• 
  Polimerlar, jumladan, stirolning divinilbenzol bilan sopolimeri keng tarqalgan. Ularning choklanish darajasini o‘zgartirish orqali g‘ovakligini, sirt yuzasi va eruvchanligini turlicha bo‘lishiga erishish mumkin.
  

Bu tashuvchilarning asosiy kamchiligi ularning issiqlik o‘tkazuvchanligini pastligidir. Ugdan tashqari mexanik mustahkamligi ham past bo‘lib, aralashtiruvchi reaktorlarda ularni ishlatib bo‘lmaydi, chunki bunday sharoitda kukunga aylanib ketadi.
Ishqorlash usuli. Yuqori g‘ovakli va yuqori faollikka ega bo‘lgan katalizatorlar olishda ishqorlash usuli (skelet katalizatorlar olish usuli ham deyiladi) qo‘llaniladi. Bu usulda katalitik faol metallarning (nikel, mis, temir, kabalt va boshqalar) alyuminiy yoki kremniy bilan qotishmasi olinadi. So‘ngra ularga ishqor tasiri natijasida tarkibidagi alyuminiy yoki kremniy eritiladi va g‘ovakli yuqori katalitik faollikka va solishtirma sirtga ega bo‘lgan katalizatorlar olinadi. Shu usul bilan nikel-alyuminiy qotishmasi asosida “nikel-Reniy” katalizatori, shuningdek mis va kobaltni alyuminiy bilan qotishmasi tayyorlanib so‘ngra ishqor tasirida mis va kobaltli skelet katalizatorlar tayyorlanadi.
Suyuqlantirish usuli. Suyuqlantirilgan metall katalizatorlar ichida ammiak sintez qilishda qo‘llaniladigan temir katalizatorlari keng tarqalgan. Ular maxsus pechlarda temirni termik suyuqlantirib, unga promotorlar-alyuminiy, kremniy, kaliy va kalsiy oksidlari qo‘shib olinadi. Sovutilgan katalizator maydalanadi va elakdan o‘tkaziladi, azot-vodorod aralashmasi yordamida ammiak sintez qilish kolonkasida yoki maxsus apparatlarda qaytariladi.