V=k[A]a [B]

Silikagellar – qattiq shishasimon g‘ovakli donachalardir. Zarracha formasiga qarab, bo‘lakli yoki granulalangan holda bo‘ladi. Ularning g‘ovakliligi markasiga bog‘liq bo‘lib, 20-60 % orasida bo‘lsa, solishtirma sirti esa 200-800 m²/g ga teng bo‘ladi.
Kimyoviy tabiatiga ko‘ra silikagellar gitratlangan amorf qumtuproq (kremniy oksidi. Х_n H₂O) dan iborat o‘zgaruvchan tarkibga ega bo‘ladi. Sanoatda ishlab chiqariladigan silikagellar (КСМ, ШСМ, МСМ, КСК, МСК va boshqa markali) ishqorli silikatlarga sulfat kislota tasir ettirib olinadi. Olingan zol gelga aylanadi, gel yuviladi, quritiladi va qizdiriladi. Bunday gellar bir jinsli g‘ovak tuzilishga ega bo‘ladi.
Faol alyuminiy oksid (γ – Аl₂О₃) monogidrat yoki trigidrat alyuminiy oksidni qizdirib olinadi. Olingan oksidning yuzasi g‘ovaklik o‘lchami va hajmi, boshlang‘ich alyuminiy gidroksidining kristallik modifikatsiyasi gidrat suv va ishqoriy hamda ishqoriy yer metallarning miqdoriga, termik ishlash sharoitiga bog‘liq bo‘ladi. O‘rtacha g‘ovakligi 50-70%, solishtirma sirti 120 -150 m²/g ga teng bo‘ladi.
(γ – Аl₂О₃) ishlab chiqarishning barcha texnologik sxemalari qumtuproqni qayta cho‘ktirish orqali alyuminiy gidroksid olishga asoslangan. Qayta cho‘ktirish jarayonining mohiyati qumtuproqni kislota (sulfat yoki nitrat) yoki ishqorda eritish va mos ravishda asos yokikislotada gidrolizlash va neytrallashdan iborat. Olingan pasta quritiladi, maydalanadi va tabletka (yoki boshqa forma) holatga keltiriladi.
G‘ovakli korund. γ – Аl₂О₃ ni α - Аl₂О₃ ga polimorf o‘tishi 1100⁰ С da quyidagi sxema bo‘yicha amalga oshiriladi:
γ – Аl₂О₃→0 – Аl₂О₃→α – Аl₂О₃
Mineralizatorlarni qo‘llab γ – Аl₂О₃ ning hosil bo‘lish jarayonini nisbatan past haroratda olib borish mumkin. Mineralizatorlar sifatida xrom, molibden, temir oksidlari, nitrat va ftorid kislotalar va metall ftoridlari qo‘llaniladi. Ular ishtirokida γ – Аl₂О₃ ni α - Аl₂О₃ ga polimorf aylanishi 800-900⁰С da θ_ Аl₂О₃ hosil qilmasdan boradi.
γ – Аl₂О₃ sintez qilishda koorundning umumiy hajmiy g‘ovakligi o‘zgartirilmagan holda olingan tashuvchi quyidagi tavsifiga ega bo‘ladi:
- sferik granulalar o‘lchami, mm- 23:
- sochma zichligi, g/sm3 - 0,75:
- solishtirma sirti, m2/g - 1,0
- umumiy solishtirma hajmiy g‘ovakligi, sm³/g – 0,55