Vii bob. Menejmentning tashkiliy tuzilishi

Yuqori bo‘g‘indagi boshqaruv vakolatlari O‘rtabo‘g‘indagi boshqaruv vakolatlari
Quyibo‘g‘indagi boshqaruv vakolatlari
7.10-chizma. Vakolatlarni taqsimlash usullari.
4.Rahbarlik qilish qobiliyatiga nisbatan gumonsirash. Ayrim rahbarlar vakolat beradigan kishi larda rahbarlik qobiliyati borligidan gumonsiraydilar. Mehnatni malakali kishilarga taqsimlanish ahamiyatini tushunib etmaydilar.

5. 
   Rahbariyatni kutilishi mumkin bo‘lgan xavfdan ogoh qilish uchun tanlama nazoratning yo‘qligi. Vakolat berish orqali joylardagi xodimlar ishini samarali nazorat qilish va natijalar to‘g‘risida axborot olish imkoni tug‘ilishi mumkin. Bunday axborotlarni olish joylardagi tashabbuskorlikni rag‘batlantiradi, xodimlarni maqsadni amalga oshirishga chorlashga imkon beradi.
   

Ammo ba’zi bir vazifa va burchlar borki, ularni tarqatish mumkin emas. Bular: vazifani berish, xodimlarni motivlashtirish, maqsadni belgilash va rejalashtirish, topshiriq natijalarini nazorat qilish.
Afsuski, bo‘ysunuvchilar ham vakolatni jon-dili bilan qabul qilmas ekanlar. U.Nyumen fikricha bu sabablar quyidagilardan iborat:

• 
  Bo‘ysunuvchi muammoni o‘zi yechishdan ko‘ra, uni hal qilish yo‘lini rahbardan so‘rab olishni afzal ko‘radi.
  
• 
  Bo‘ysunuvchi yo‘l qo‘ygan xatosi uchun tanqidga uchrashdan qo'rqadi. Katta mas’ uliyat xato qilish ehtimolligini oshirishini bilgan bo‘ysunuvchi undan qochishga harakat qiladi.
  
• 
  Berilayotgan topshiriqni muvaffaqiyatli bajarishi uchun bo‘ysunuvchi ixtiyorida zaruriy resurslar va axborotlar bo‘lmaydi.
  
• 
  Bo‘ysunuvchizimmasigayuklangan ishubajarishi lozim bo‘lgan ish ko'lamidan ham ko‘p yoki u aynan shundoq deb hisoblaydi.
  
• 
  Bo‘ysunuvchi o‘ziga nisbatan ishonchi yo‘q.
  
• 
  Bo‘ysunuvchiga topshirilayotgan qo‘shimcha vakolat yoki mas’uliyat qo‘shimcha rag‘batlantirilmaydi.
  

So‘nggi sabab barcha sabablar tarkibida eng muhimi bo‘lib, aksariyat ko‘pchilik rahbarlar shunga rioya qilmaydilar, ya’ni qo‘shimcha mas’uliyat yoki vakolat uchun shunga tegishli ravishda mukofot bilan yoki ma’naviy tomondan taqdirlashni yoddan chiqarib qo‘yadilar.