Video: Ja si I përshëndet fansat Ballist Morina pas lirimit nga burgu

1. Jeni intelektuale

Keni një personalitet brilant dhe të rafinuar. Mendoni shpejt dhe keni intelekt shumë të zhvilluar. Zakonisht i zemëron njerëzit rreth teje me diskutimet që i fillon dhe ke pikëpamje të ndryshme nga shumica. Qetësia dhe komforti janë shumë të rëndësishme për ty. Keni tendencë për të qëndruar vetëm dhe nuk i kushtoni shumë rëndësi ndjenjave, por edhe kur i keni ato, përpiqeni t’i fshihni, transmeton Telegrafi.

2. Jeni e pavarur dhe keni lindur për të qenë udhëheqëse

Jeni një person me fat që thuajse asnjëherë nuk kërkon ndihmë nga tjerët. Parimisht, jeni e vendosur në shtresën e lartë të shoqërisë dhe jeni shumë e suksesshme. Logjika është shumë e rëndësishme dhe konsideroni jetën si një lojë strategjike. Keni shumë vetëkontroll dhe jeni e ftohët, por e qetë dhe e qëndrueshme. Keni lindur për të qenë udhëheqëse!

3. Jeni simpatike dhe aventuriere

Jeni person modern dhe me shpirt të lirë. Jeni aq shpikës, saqë ndonjëherë nga gjërat e zakonshme krijoni gjëra të pazakonshme. Për ju, çdo ditë e re është aventurë e re. Sidoqoftë, shumica e veprimeve tuaja kanë një qëllim të fshehtë, dhe shpesh sjellja jote e trondit ambientin.

4. Jeni optimiste dhe ëndërrimtare

Keni një shpirt “femëror”, të qetë dhe ëndërrimtar. I shihni gjërat me pozitivistet, por edhe kur jeni të brengosur, e bëni atë me një buzëqeshje. Gjithmonë keni një buzëqeshje dhe dashuri për tjerët. Jeni inteligjente dhe të zellshme, ndonjëherë edhe e turpshme.

5. Jeni e paharruar dhe e mbushur me pasion

Jeni guximtare dhe personaliteti juaj është atraktiv. Detyrat e vështira në jetë i bëni me shumë entuziazëm.

6. E besueshme dhe zemërgjerë

Keni një zemër të gjerë dhe jeni mirënjohëse ndaj natyrës, i ndihmoni të gjithë atyre që ju ndihmojnë, mund të mbani një sekret dhe zakonisht njerëzit kanë besim në ty. Jeni shumë misterioze.

7. E mençur dhe e dinjitetshme

Jeni e mençur dhe keni një gjendje të mirë shpirtërore. Jeni shumë e dinjitetshme. Gjithmonë kërkoni të përmirësoni veten.

8. E pazakonshme dhe kreative

Jeni e famshme në shoqëri, e besueshme dhe dini t’i vlerësoni mirë personat dhe gjërat. Mendoni shumë, por zakonisht jeni e pikëlluar.

9. E pastër dhe e virtytshme

Adoptoheni dhe merreni vesh lehtë me njerëz, pavarësisht se në shikim të parë dukeni si person i turpshëm. E dini mirë se kush jeni dhe çka jeni, besoni në vetvete dhe i gjykoni senet mirë.

10. Karizmatike

Ju pëlqen të ëndërroni dhe të fantazoni për botë dhe realitete tjera. Jeni person shumë karizmatik dhe buzëqeshja të përcjell kudo, transmeton Telegrafi.

11. Jeni e mbushur me energji

Kur hyni në dhomë, atmosfera menjëherë ndryshon. Jeni mësuar të jeni në qendër të vëmendjes dhe dini si ta shfrytëzoni këtë.

12. Misterioze dhe enigmatike

Jeni e përgjegjshme dhe e besueshme. Njerëzit në përgjithësi kanë shumë besim në ty dhe të besojnë me gjëra shumë serioze që nuk i besojnë askujt.

27/09/2016/............................................

Alarm për bombë në zyrat e Qeverisë së Kosovës

Policia e Kosovës ka rrethuar Administratën Pensionale të Kosovës, ndërtesa e ish-Rilindjes në Prishtinë, pas dyshimeve për një mjet shpërthyes.

Zyra Rajonale për Informim e PK-së, ka konfirmuar për “Gazetën Express”, se alarmin për mjet të dyshuar shpërthyes e kanë marrë rreth orës 11:00 nga punonjësit e kësaj zyre.

Policia ka dalë në vendin e ngjarjes dhe po verifikon mjetin e dyshuar.

Zyra e Administratës Pensionale të Kosovës ndodhet në oborrin e ish-pallatit të shtypit, që sot shfrytëzohet nga Qeveria e Kosovës për ministri të ndryshme, në qendër të Kryeqytetit.

Reagimi i Kryeprokurorit Llalla kur pyetet për kërcënimin e marrë

Prokurori i Përgjithshëm ishte sot në Korçë, ku zhvilloi një takim me homologun e tij maqedonas. Ai u pyet nga gazetarët për kërcënimet që e detyruan të largonte familjen nga Shqipëria, por kryeprokurori nuk pranoi të jepte asnjë koment, duke thënë: “Jam thjesht për një vizitë zyrtare në Korçë dhe nuk ndalem në gjëra të tilla”.

Pak ditë më parë, mediat zbuluan se kryeprokurori Llalla është detyruar të largojë fëmijët dhe bashkëshorten shtatzënë nga Shqipëria në një vend aleat, pasi dy muaj më parë në telefonin e tij kanë mbërritur telefonata dhe mesazhe kërcënuese anonime.

Kryeprokurori ka njoftuar autoritetet qeveritare, Presidentin e Republikës, Shërbimin Informativ dhe më pas janë shtuar masat e sigurisë, qoftë në prokurori, shtëpinë private, si dhe eskortat për familjarët, dy fëmijët e tij të cilët janë në shkollë dhe bashkëshorten. Natyra e kërcënimit nuk dihet, por flitet se i ka ardhur për shkak të një dosjeje hetimore ndaj një grupi të supozuar kriminal.

Foto/ Lucy, “topless” për “Select”

Shpesh e kemi parë në sete të ndryshme fotografike, por këtë herë Lucy Mecklenburgh duket se i ka tejkaluar pritshmëritë.

Ylli i serialit “The only way is essex” ka pozuar topless për agjencinë e famshme të modelingut në Londër, “Select”.

Në fotot bardhezi, 25 vjeçarja dukej e mrekullueshme. Ajo mbante veshur pantallona të bardha, ndërsa në pjesën e sipërme mbulohej me duart e saj.

Foto/ Lezhë, qëllohet me armë furgoni i qumështit, vritet një person

Një 26-vjeçar ka humbur jetën mëngjesin e së martës rreth orës 06:15 minuta në rrugën e vjetër për Torovicë, në kufirin ndarës mes Lezhës dhe Shkodrës.

Persona ende të paidentifikuar kanë qëlluar me breshëri në drejtim të një mjeti tip “Ford”, i cili çdo mëngjes mblidhte qumështin në zonë, plumba të cilat i morën jetën Ajet Qokthit, banues në Shkodër.

Në vendngjarje shkuan forcat e rendit të cilat kanë filluar edhe krehjen e zonës dhe ngritjen e postoblloqeve.

20 gëzhoja janë gjendur në vendin e ngjarjes. Gjithashtu të pranishëm ishin edhe përfaqësues të Prokurorisë, ndërkohë që kanë nisur hetimet për rrethanat e ngjarjes dhe arsyet e saj.

Viktima ishte pasagjer në automjet. Policia ka shoqëruar drejtuesin e tij për t’u marrë në pyetje, ndërsa trupi i pajetë i të riut Ajet Qokthi është transportuar me autoambulancë drejt morgut të Lezhës.

Ngjarja ndodh në një distancë të shkurtër kohore nga dy ngjarje të tjera të rënda me pasoje vdekjen në Qarkun Lezhe, vrasja e policit të FNSH nga David Qosja dhe vrasja e punonjësit të OSHEE në Mirditë./TCh/

BB: Serbia ka rritjen më të madhe ekonomike në rajon
Sipas raportit të fundit të Rregullit Ekonomik për Europën Juglindore, rritja ekonomike parashikohet të forcohet për vitin 2016, duke i hapur rrugë rritjes së punësimit dhe uljes së varfërisë. Rritja ekonomike në vitin 2016 pritet që të jetë 3.2%, krahasuar me nivelin 2.8% në vitin 2015, dhe të arrijë 3.5% në vitin 2018.

Rritja ekonomike në nivel rajonal vlerësohet të arrijë 2.7% në 2016, nga 2.2% që ishte në 2015. Ritmi i rritjes ekonomike pritet të përshpejtohet në vitet 2017 dhe 2018.

Për sa i përket rajonit, Banka Botërore ka raportuar se Serbia është vendi me rritjen më të madhe ekonomike, ndërsa Kosova, me rritjen më të shpejtë.

Mesazhet që ka përcjellë Banka Botërore:

Ekonomitë e Ballkanit Perëndimor vazhdojnë të rriten, duke mbështetur punësimin dhe uljen e varfërisë.

Konsumi si pasojë e situatës së përmirësuar të tregut të punës.

Deficitet fiskale u ngushtuan dhe nivelet e borxhit pritet të bien.

Mjedisi i ndërlikuar global kërkon angazhim për të adresuar zhbalancimet fiskale, si dhe zbatimin e reformave strukturore.

Banka Botërore ka listuar rreziqet dhe mundësitë e rajonit.

Të jashtmet:

Paqëndrueshmëria e tregjeve ndërkombëtare financiare.

Politika shtrënguese monetare nga Rezerva Federale e ShBA.

Rritje më të ulët ekonomike se parashikimet në vendet kryesore partnere tregtare për eksportet e rajonit.

Dobësia e vazhdueshme e Greqisë.

Tensionet politike në Turqi.

Të brendshmet:

Zgjedhjet dhe pasiguria politike,

Por, cikli i ri politik ofron mundësi për progres./Monitor/
UEFA, urdhër Federatës Shqiptare: Mbyllni “Loro Boriçi”-n!
Në harkun kohor të tri ditëve, në “Loro Boriçi” do të zbresin dy kombëtare si ajo e Kroacisë dhe e Spanjës. Duke qenë se Shqipëria luan në transfertë kundër Lihtenshteinit, më 6 tetor, Kosova do të presë Kroacinë në këtë impiant.

Duke qenë se vetëm tri ditë më vonë, në këtë stadium do të luhet një tjetër ndeshje kualifikuese për Botërorin “Rusi 2018”, atëherë UEFA ka sjellë disa nga inspektorët e saj për të parë gjendjen e fushës si dhe për të lënë disa detyra të prera për FSHF-në.

Gazeta “Panorama Sport”, me burimet e saj, ka mësuar se, inspektorët e UEFA-s kanë dhënë urdhër që në këtë impiant të mos kryhet asnjë seancë stërvitore dhe asnjë ndeshje futbolli dhjetë ditë përpara se të luhet takimi kualifikues./Panorama Sport/
Nishani viziton Memorialin e Pentagonit kushtuar 11 Shtatorit

Në kuadër të vizitës zyrtare në Shtetet e Bashkuara të Amerikës, Presidenti Bujar Nishani zhvilloi një vizitë të posaçme homazhi në Memorialin e Pentagonit, pikërisht në vendin ku vazhdimisht nderohen dhe përkujtohen 184 viktimat e sulmit terrorist të 11 shtatorit 2001 dhe familjet e tyre për sakrificën që bënë dikur në mënyrë që liria të vazhdojë të triumfojë.

Kreu i Shtetit shqiptar, në krye të delegacionit zyrtar, u prit dhe u shoqërua në Pentagon nga Ndihmës Asistenti i Sekretarit të Mbrojtjes, DR. Michael Carpenter, i cili mbulon edhe bashkëpunimin ushtarak dypalësh mes Shteteve të Bashkuara të Amerikës dhe Shqipërisë.

Pasi vendosi një kurorë me lule në Memorialin e Pentagonit “Për nder të burrave dhe grave që humbën jetën më 11 shtator 2001 duke u sakrifikuar për liri”, Presidenti Nishani vizitoi edhe kapelën përkujtimore të 184 viktimave dhe shprehu respektin duke lënë një shënim prekës në Librin e Ngushëllimeve.

Atentati në Lezhë, zbardhen detaje të reja për krimin...

Ishte ora 6:15 minuta e mëngjesit të së martës, kur një breshëri automatiku është derdhur mbi këtë kamion që mblidhte qumështin e bagëtive në Torovicë të Lezhës.

Për pasojë mbeti i vrarë në vend 26-vjeçari, Ajet Qokthi nga fshati Trush i Shkodrës. Ai ndodhej pasagjer në automjetin e drejtuar nga kushëriri i tij.

Rrethanat në të cilat ndodhi krimi janë ende të paqarta, por dyshohet se autori i vrasjes nuk ka qenë i vetëm. Kamioni ka lëvizur edhe 50 metra të tjera dhe më pas ka ndalur. Drejtuesi i tij me iniciale A. Q., ka lajmëruar policinë e cila është vënë në ndjekje të autorëve.

Grupi hetimor ka marrë në pyetje personin që i shpëtoi atentatit, por të dhënat për identifikimin e autorëve kanë qenë të pakta.

Pista kryesore është ajo e grabitjes. Autorët kanë pasur dijeni për itinerarin e kamionit të qumështit dhe kanë tentuar ta grabisin. Dyshohet se kanë qëlluar në drejtim të tij për ta ndalur.

Një grabitje e ngjashme u ka ndodhur kushërinjve edhe 3 vjet më parë.

Gjithsesi policia nuk përjashton edhe pista të tjera hetimi që kanë të bëjnë me konkurrencën, konflikteve ose ndonjë hakmarrje të mundshme. Për të zbardhur marrëdhëniet e kushërinjve Qokthi, Policia e Lezhës po bashkëpunon edhe me Policinë e Shkodrës.

Pas idesë për legalizimin e hashashit dhe prostitucionit, Jaka takohet edhe me ambasadorin Rus

Sipas një njoftimi të Ambasadës Ruse në Tiranë, Ambasadori i Federatës Ruse në Shqipëri, Karpushin, zhvilloi sot njё takim me pёfaqёsuesit e Dhomave tё Tregtisё dhe Industrisё tё Shqipёrisё dhe Tiranёs.

Në vëçanti, në takimin ishin të pranishëm Kryetarja e Bashkimit tё dhomave tё tregtisё dhe industrisё sё Shqipёrisё znj. Ines Muçostepa, Zv.Kryetari i Bashkimit z. Arben Shkodra dhe Kryetari i Dhomёs sё Tregtisё dhe Industrisё sё Tiranёs z. Nikolin Jaka.

Ne qendrёn e vёmendjes ishte çёshtja e bashkёpunimit midis shoqatave tё sipёrmarrёsve të dy vendeve. Siç ishte theksuar gjatё bisedës, Dhomat e Rusisё dhe Shqipёrisё kanё njё bazё tё konsiderueshme ligjore, e cila, fatkeqёsisht, nuk po shfrytёzohet nё mёnyre tё duhur, dhe si rezultat, mundesitё e bashkёpunimit dypalёsh mbeten tё parealizuara.

Lidhur me kёtё, palёt u morën vesh pёr t’i dhёnё njё impuls tё ri bashkёpunimit dypalёsh midis Dhomave tё Tregtisё dhe Industrisё. Sipas z.Jaka, pёr investitorёt rusё mund tё jenё interesante projekte nё fushёn e turizmit, energjisё, nxjerrjes sё burimeve natyrore, bujqёsisё etj.

U ra dakord pёr pёrgatitjen nga pala shqiptare tё prezantimit tё disa projekteve pёr dorёzimin tek Dhomat e Tregtisё dhe Industrisё Ruse, si dhe pёr krijimin e njё grupi pune tё pёrbashkёt, i cili do tё merret me shkёmbimin e vizitave dhe organizimin e njё forumi biznesi, qё ёshtё planifikuar nё kuadёr tё sesionit tё radhёs tё Komisionit Ndёrqeveritar Rusi-Shqipёri pёr tregtinё, bashkёpunimin ekonomik dhe tekniko-shkencor nё Tiranё.

10-vjeçari shqiptar në Itali: Më ndihmoni, mami do të më vrasë me thikë

Një dëshmi rrënqethese ka radhur nga një djalë 10-vjeçar shqiptar, banor në Itali, i cili ka kërkuar dëshpërimthi ndihmën e oficerëve të policisë.

“Më ndihmoni, nëna do të më vrasë me thikë”,- u ka thënë ai policëve.

“Corriere di Ragusa” raporton djali është paraqitur në komisariatin e policisë, në zonën e Modica në Itali duke qarë dhe ka rrëfyer se nëna e tij shqiptare ka tentuar të vrasë atë dhe veten.

Menjëherë janë vënë në dijeni punonjësit e shërbimit social, të cilët kanë ndërhyrë duke e marrë nën përkujdesje.

Policia ka kontaktuar edhe me babain italian të 10-vjeçarit.

Punonjësit e shërbimit social ishin në dijeni të situatës së familjes, por me sa duket gjithçka ishte përkeqësuar akoma më shumë.

Mediat italiane shkruajnë se pas hetimeve të policisë, kishte rezultuar se nëna shqiptare kishte tentuar disa herë të kryente veprime të tilla.

Foto/ Adoleshentja nga Kosova që ka grushtin më të fortë në Europë

Boksierja kosovare, Donjeta Sadiku, është kampione e re e Europës për kategorinë “Juniore”.

Në meçin final Sadiku ishte shumë më e mirë se rivalja e saj nga Ukraina, Maria Cherednichenko.

Gjatë gjithë meçit Sadiku ishte më e mirë se rivalja e saj, duke mos i dhënë mundësi të mendojë për fitore.

Në fund gjyqtarët me vendim unanim e shpallën fituese Donjeta Sadikun.

Meritat për këtë fitore në finale i takojnë edhe trajnerit të saj, Besim Brahimi, e cili gjatë gjithë meçit ishte aktiv, duke i dhënë instruksionet e duhura për boksieren e tij.

Rrëfim në TV/ Vajza: Shkoja bëja punët, xhaxhai më përdhunonte
Në emisionin “Me zemër të hapur” të moderatores Evis Ahmeti në “News24”, 19-vjeçarja K.C ka dhënë detaje rreth pretendimeve të saj për abuzim seksual nga xhaxhai i saj, kur ishte vetëm 14 vjeç. Në një lidhje telefonike gjatë emisionit, vajza ka deklaruar se xhaxhai Thoma Çala e përdhunonte në shtëpinë e tij, gjatë kohës që e shoqja ndodhej në Greqi. 19-vjeçarja pretendon se xhaxhai e ka kërcënuar dhe ajo ka patur frikë të tregonte, deri në momentin që i fejuari i saj i ka kërkuar llogari për faktin se nuk ishte e virgjër.

“Që në moshën 13-14 vjeç ka ardhur xhaxhai nga Greqia i vetëm dhe i kam shërbyer në shtëpi. Gjatë kësaj kohe zotëria ka përfituar. Vera nuk ka ardhur asnjëherë ti bëjë vizitë. Këtë mund ta vërtetojnë të gjithë që jetojnë këtu. Arsyeja përse unë nuk kam treguar ka qenë vetëm sepse ai më ka kërcënuar. Më ka thënë ti tregon unë do dal nga burgu, por kur të dal nga burgu do bëhet kërdia këtu. E ngrita akuzën kur nuk kisha më frikë as nga Thomai as nga askush tjetër. Prishja e fejesës është bërë për këtë arsye, sepse i fejuari nuk më gjeti vajzë”- është shprehur 19-vjeçarja.

Në emision ka ndërhyrë edhe vetë i akuzuari, përmes një telefonate nga paraburgimi. Thoma Çala ka hedhur poshtë të gjitha akuzat, duke e quajtur mbesën nepërkë.

“Mbesa ime pretendon se më ka shërbyer dhe gjatë shërbimit pretendon se unë kam përfituar. Hetime nuk ka fare, kemi kërkuar tabulate telefonash nuk kanë dalë. Ajo që në gjyq i hiqet si e dëmtuar, është një nepërkë. Eshtë njohur me një djalë dhe ka ardhur në shtëpi ka kërkuar fejesë brenda dy javësh. I ati i ka thënë të çova për shkollë, nuk të çova për burrë. I ati i tha nëse dështon fejesa, vetëm e vdekur do kthehesh në shtëpi. arsyeja që mua më akuzojnë është pse dilje në Fier dhe e merrje. Sepse nëna e saj më thoshte dil merre kur kthehej nga Tirana dhe unë isha taksi falas për fisin. Mbesa ime ishte vajza ime”- deklaroi Thoma Çala.

Por nëna e vajzës ka ngritur edhe akuza të tjera ndaj Thoma Çalës, duke thënë se ai ka ngacmuar seksualisht edhe vajzën që bashkëshortja e tij ka nga martesa e parë. Sipas kunatës së të akuzuarit, Thomai e ka pranuar se ka abuzuar me vajzën e tyre, duke thënë se ishte dëshira e vajzës që ata të kryenin marrëdhënie seksuale.

“Thomai e di shumë mirë se çfarë ka ndodhur. e ka pranuar, ka thënë që ka ndodhur dhe kjo ka qenë dëshira e vajzës. ka thënë që ka qenë vajza që i ka propozuar Thomait. Vera e di shumë mirë që ai e ka ngacmuar edhe vajzën e verës dhe gocën e xhaxhait të verës, e dinë të gjithë se çfarë ka ndodhur me ata”,- deklaroi nëna e vajzës.

I akuzuari iu përgjigj akuzave, duke paralajmëruar kunatën për përballje në gjykatë. “Njerëzit janë të çmendur. Do takohemi në gjyq me zonjën që pretendon këto gjëra, është bashkëpunëtore me të bijën, ketë do ta nxjerrim në gjyq. Për këto që po thotë do japë llogari në gjyq”- tha ai.

Ndërkohë bashkëshortja e Thoma Çalës deklaroi se i shoqi e ka rritur vajzën e saj sikur të ishte e tija.

“Thomai është njeri për shtëpi, nga të gjitha drejtimet është njeri shembull. Nga martesa e parë kisha një vajzë 6 vjeçe, kur u martova me Thomain. Vajza ime sot është 25 vjeçe dhe i thërret baba Thomait. Kemi patur marrëdhënie shumë të mirë. Vajza ime nuk di gjë, është në Greqi. Ishte shtatzënë dhe kishte probleme me shtatzëninë dhe nuk i kam treguar asgjë vajzës. Vajza ime ka patur shumë marrëdhënie të mira dhe më tregonte çdo gjë. Unë jam nënë e dy vajzave dhe unë edhe me kurriz të jem duke larë enët, nga mënyra se si e hedh çantën e kuptoj është e mërzitur apo jo.”- deklaroi bashkëshortja e të akuzuarit./Balkanweb/

Foto e ditës/ Berisha: Rama kërkon të shpëtojë nga kazani
Nëpërmjet një fotoje ku shikohen disa të rinj aktivistë të FRESSH-it, që lyejnë me bojë jeshile një kazan plehrash i cili mbante të shkruajtur emrin e kryeministrit Rama, të postuar para pak orësh në profilin e tij në Facebook, ish-kryeministri Sali Berisha, ka ironizuar pikerisht rivalin e tij politik.

“Rama: "Me shpetoni nga kazani"! sb”,- shkruan Berisha bri diciturës së kasaj fotoje.

Rilindja urbane e Tiranës kushton 12 milionë euro
Pas tenderit të parë prej 504 milionë lekësh, qeveria përcaktoi edhe 1.2 miliardë lekë të tjera për fazën e dytë të rindërtimit të Sheshit Skënderbej, duke e çuar koston totale të projektit në mbi 1.7 miliardë lekësh.

Nga Gjergj Erebara

Kostoja totale e projektit të debatuar të qeverisë për rikonstruksionin e Sheshit Skënderbej sipas planit të miratuar fillimisht në vitin 2008, pritet të arrijë në mbi 1.7 miliardë lekë dhe qeveria ka miratuar së fundmi përmes Komitetit të Zhvillimit të Rajoneve fondin për fazën e dytë prej 1.2 miliardë lekësh.

Vendimi nr. 45 i KZHR-së, institucionit kontrovers që menaxhon një pjesë të rëndësishme të fondit të investimeve publike, ka miratuar edhe 10 projekte të tjera të ngjashme në qytetet Kurbin, Fushë Arrëz, Lushnjë, Tepelenë, Përmet, Vlorë e Selenicë, me vlerë totale prej 2.2 miliardë lekësh.

Qeveria vendosi të riaktivizojë projektin e vitit 2008 për sheshin kryesor të Tiranës këtë vit, pasi administrata e mëparshme e drejtuar nga Lulzim Basha, refuzoi ta zbatojë atë plan duke i dhënë sheshit pamjen që kishte deri së fundmi. Tenderi për fazën e parë të punimeve u zhvillua në muajin gusht dhe u fitua nga e vetmja kompani që hodhi një ofertë financiare, Fusha sh.p.k.

Punimet nisën në shtator duke shkaktuar bllokime trafiku dhe ankesa nga qytetarët. Pas fillimit të punimeve të fazës së dytë, sheshi Skënderbej do të mbyllet tërësisht për trafikun për t’u kthyer në hapësirë për këmbësorët.

Nuk është e qartë se çfarë e ka shtyrë qeverinë të shpenzojë kaq shumë para për të rindërtuar një shesh që është ndërtuar vetëm pak vite më parë.

Kryeministri Rama u kritikua së fundmi nga komentuesit në faqen e tij në Facebook, të cilët ngritën pikëpyetje se pse ai nuk mendonte për nevojën për investime në ujësjellësa, por qe përqendruar vetëm në ndërtime sheshesh dhe fasadash. Kryeministri iu përgjigj se qeveria nuk ka para.

Qeveria është vënë vazhdimisht nën kritika për përdorimin e institucionit të njohur si Komiteti i Zhvillimit të Rajoneve, një krijesë e qeverisë së kaluar që u përdor nga qeveria për të shpërndarë fonde pa kurrfarë transparence paraprake, në përgjithësi për bashkitë e kontrolluar nga qeveria qendrore.

Kritikat për vetë ekzistencën e Komitetit janë të shumta pasi, megjithëse supozohet se bashkitë konkurrojnë për të përfituar fonde nga ky institucion, vendimmarrja në të është tërësisht jo transparente, ndërkohë që kontrolli i përket efektivisht vetë qeverisë, pasi Komiteti drejtohet nga kryeministri dhe në përbërje të tij janë në shumicë dërrmuese ministrat e kabinetit të tij.

Së fundmi, kryetarja e Bashkisë Shkodër Voltana Ademi deklaroi se ndjehej e persekutuar nga mungesa e financimeve të projekteve të kësaj bashkie nga qeveria qendrore. Kryeministri iu përgjigj me fyerje duke deklaruar se “Bashkia e Shkodrës drejtohet nga një hu”.

Duke reflektuar pjesërisht kritikat për persekutim të bashkive të pakta që aktualisht kontrollohen nga kryebashkiakë të opozitës, vendimet e fundit të Komitetit i kanë akorduar Bashkisë Shkodër një projekt me vlerë 76 milionë lekë ndërsa bashki të tjera të kontrolluara nga opozita, si Tropoja e Përmeti morën gjithashtu një pjesë të fondeve. (Link: vendimet e Komitetit)./BIRN/

Skandali tjetër/ Pasi të sjellin plehrat, importuesit do kërkojnë edhe miliona dollarë nga qeveria
Çuditë nuk kanë fund me ligjin e importit të plehrave të miratuar nga shumica e majtë. Kur ende vlon debati nëse duheshin lejuar mbetjet e Europës të hynin apo jo në Shqipëri, a i kemi dot ne mjetet për të siguruar kontrollin, a rrzikohemi nga mbetje nukleare apo radioaktive, në një kohë që kazanët e plehrave janë mbushur më emrat e deputetëve që e votuan ligjin dhe shoqëria civile po përgatitet për protestë, publiku njoftohet për një tjetër skandal. komuniteti i ricikluesve të shqipërisë do të hedhi në gjyq qeverinë shqiptare për të kërkuar shumat mëramendëse të parave që ata kanë humbur gjatë 3 viteve të pezullimit të aktivitetit nga Edi Rama.

Këtë e ka bërë të ditur dje kreu i dhomës së tregtisë, Nikolin Jaka, në emisionin "Dritare" të Rudina Xhungës. "Po ka pohuar ai vendimi i Ramës në 2013 ka qenë i padrejtë dhe ne po mendojmë të hedhim në gjyq qeverinë për të kërkuar dëmshpërblim".

Natyrisht që argumentat e kryeministrit se mbetjet janë si gruri, se ato janë mall që tregtohen në bursë, se ato duhen trajtuar si lënë e parë e bëjnë shumë më të lehtë problemin e ricikluesve.

Por problemi është se sa na kushton kjo faturë e "kryeministrit injorant" siç e quante në shkrimin e tij të sotëm Blendi Kajsiu?

Po ti referohesh shifrave të Edi Ramës, nëse kjo industri riciklimi punon me kapacitet të plotë ajo i shton ekonomisë së vendit 150 milionë euro në vit (Pra 450 milionë euro në tre vite. Ajo mund të punësojë dei në 30 mijë vetë. ndërsa këto tre vitet e fundit ka punuar vetëm me 30% të kapacitetit.

Merret me mend se sa mund të jetë shifra që do i marrin buxhetit të shtetit ricikluesit tani importi i plehrave do të lejohet. Ata duhet të falenderojnë dyfish edi Ramën.

Një herë që u lejoi mundësinë të të sjellin plehra në vend dhe se dyti që u dha të gjitha argumentat e nevojshme që ata ta fitojnë pa mund procesin gjygjësor me qeverinë.
PD: Tenderi i Fierit dhe mafia e plehrave. Rama do të helmojë vendin, ta ndalim!

Kanë nisur të zbulohen arsyet e vërteta se pse Rama riktheu importin e mbetjeve, tha sot Sekretarja e Marrëdhënieve me Publikun në PD, Grida Duma, e cila denoncoi si më poshtë:

Akoma pa hyrë në fuqi ky ligj, qeveria ka vrapuar të hapë tenderin dhe të japë koncesionin e parë për djegien e mbetjeve. Skandali thellohet kur zbulohet se kompania që ka fituar tenderin është regjistruar për këtë shërbim 15 ditë pas shpalljes së tenderit.

Më datë 13.07.2016 është hapur tenderi për dhënien me koncesion të ndërtimit dhe administrimit të impiantit të trajtimit të mbetjeve urbane të Qarkut Fier.

Më datë 28.07. 2016 kompania fituese e tenderit “Integrated Technology Services” e regjistruar për aktivitet në fushen e Teknologjise së Informacionit papritur shton ne objektin e aktivitetit te saj edhe ndërtimin e impianteve të trajtimit të mbetjeve me djegie (Incenerator) dhe landfille për përpunimin e mbetjeve urbane dhe të rrezikshme.
Me 15.09.2016 njoftohet se një bashkim operatorësh ndërmjet kësaj kompanie shqiptare “Integrated Technology Services”, me administrator dhe ortak të vetëm Klodian Zoto e njohur si kompani IT-e dhe shoqërisë italiane “Energy 2SRL” e specializuar në “green energy”, pa lidhje me riciklimin, kanë fituar garën për kontratën koncesionare me një afat 6 vjeçar.

Gjithçka është bërë në fshehtësi të plotë. Në errësirë të plotë, dhe me shpejtësi marramendese. Ky është interesi i Edi Ramës dhe jo kompanitë e riciklimit që i përdor për show.

Kjo është arsyeja e vetme, shpjegimi i vërtetë se pse Edi Rama tre vite më parë bëri të anulohej referendumi duke anuluar ligjin për mbetjet, dhe sot riktheu ligjin dhe anatemon kundershtaret e tij.

Dhe ky është vetëm fillimi i të tjera kontratave koncesionare për djegien e mbetjeve në Shqipëri.

Pyetjet që shtohen natyrshëm duke parë nxitimin e qeverisë për këtë koncesion pa u miratuar akoma ligji i mbetjeve, lidhen me mbetjet që do të digjen nga ky impiant dhe dhjetra të tjerë që parashikohen të ngrihen në Shqipëri.

A do të digjen në këto impiante mbetje, që do të importohen në Shqipëri?!

Me pretekstin e ligjit a do t’i hapë Edi Rama kufijtë, mafias se plehrave të rrezikshme ashtu siç bëri për baronët e drogës?!

Ky është shqetësimi i çdo shqiptari sot.

Padyshim që pas ligjit të plehrave qëndron kjo aferë dhe dhjetra të tjera. Pas drogës Edi Rama ka vendosur ti helmojë shqiptaret edhe me plehrat dhe mbetjet e rrezikshme te Europes.

Prandaj shkeli fjalen që ju dha qytetarëve. Prandaj i tradhetoi ashiqare 65 mije qytetaret qe firmosen per refendum.

Partia Demokratike është e vendosur në qëndrimin e saj kundër importit të mbetjeve dhe do të bëjë gjithçka për ndalimin e tyre.

Ne i bëjmë thirrje qytetarëve të bashkohen për ta ndaluar këtë projekt të Edi Ramës që do të ndosë Shqipërinë, do helmojë dhe do mbjellë sëmundje dhe vdekje në këtë vend.

Forumet UET/ Ambasadorët Arvizu dhe Lu me studentët

“Roli i rinisë në zhvillimin e vendit dhe në nxitjen e reformave”. Universiteti Europian i Tiranës hap siparin e aktiviteteve nën logon “Forumet UET” me dy ambasadorët amerikanë, Donald Lu dhe Alexander A. Arvizu

Duhet shpresë dhe reagim. Ishte kjo kryefjala e dy ambasadorëve amerikanë, ish-ambasadori, Alexander A. Arvizu dhe ai në detyrë, Donald Lu, gjatë bisedës së sotshme me studentë e pedagogë të Universitetit Europian të Tiranës.

Me këtë bisedë të hapur mbi reformat, politikën dhe rolin e rinisë në zhvillimin e vendit, UET hapi siparin e “Forumeve UET”, një organizim i ri që do të sjellë në auditorin Aula Magna çdo të martë një cikël debatesh me aktorë të ndryshëm të shoqërisë.