«ветеринария» ихтисослиги бўйича олий ўҚув юртлари учун қЎлланма ички юқумсиз касалликлар фанидан

Қорамолни станокда фиксациялаш. Қорамолда шох ва олдинги оёқни фиксациялаш.


Насллик буқалар бурун халқаси ва буйнидан занжир билан фиксация қилинади. Уларни етаклашда бурун халқасига бошқарувчи таёқ ўрнатилади.
Қўй ва эчкилар шохларидан ушланиб ёки ётқизиб фиксация қилиш мумкин.
Бузоқлар, қўй ва эчкилар бир қўл билан қулоғи ёки буйнидан ушланиб турилади.
Чўчқалар тик тўрган ҳолда юқориги жағидан метал трос ёрдамида фиксация қилинади ёки махсус қисқичлардан фойдаланилади. Ёш чўчқа болаларини орқа оёқларидан ерга тегизмасдан кўтариб туриш ёки бир неча чўчқани кичик жойга қисиб, қамаб туриш мумкин.
Итлар махсус «намордник» ёрдамида ёки юқориги ва пастки жағини биргаликда боғлаш билан, мушуклар махсус қалин қулқоп ёрдамида фиксация қилинади ва оғзи итлардагидек боғлаб қўйилади.
Ҳайвонлар билан ишлаганда махсус кийимлардан (халат, чепчик, резина этик, қўлқоп, фартук ва б.) фойдаланиш ва шахсий гигиена қоидаларига риоя қилиш лозим.
Чўчқаларни фиксациялаш: а) чўчқа ва итлар учун зевник; б,в, г- чўчқаларни қисгич, ип ва ипли таёқ ёрдамида фиксациялаш.

Даволаш ишлари қайд этиб бориладиган журнал ва ҳужжатларга «Клиник ҳужжатлар» - деб аталади:

1. Касал ҳайвонларни қайд этиш журнали (№ 1 журнал).
2. Ветеринария-санитария варақаси.
3. Амбулатор варақа.
4. Касаллик тарихи варақаси.
Барча ветеринария даволаш муассасалари ва клиникаларида бирламчи ҳужжат сифатида «Касал ҳайвонларни қайд этиш журнали» (№ 1- шакл), касал ҳайвонларни стационар даволашда «Касаллик тарихи варақаси» юритилади.
Бу ҳужжатларни юритиш бажарилган ишларнинг ҳажмини аниқлаш, юқори ташкилотларга ҳисобот бериб туриш, даволаш ишларининг самарадорлигини аниқлаш ва кейинги йиллар учун иш режасини тузишда катта аҳамиятга эга.
Касал хайвонларни қайид этиш журнали чорвачилик фермаларида ва хўжаликларда, ҳамда аҳоли молларига ветеринария даволаш хизмати кўрсатиш муассасаларида юритилади. Бу журнал даволовчи врачнинг асосий қонуний ҳужжати ҳисобланади. Журналнинг катталиги 20х30 см бўлиши, барча варақлари номерлаган, уларга ип ўтказилган ва охирги варағига раҳбариятнинг муҳри босилган бўлиши керак.
Журналнинг жилдига ветеринария муассасасининг номи ва манзилгоҳи, журналнинг номи, бошланган ва тугатилган муддати кўрсатилади. Журналнинг ички томонида 11 устундан иборат жадвал бўлиб, уларга касал ҳайвонни қабул қилиш ва даволаш жараёнида бажарилган ишлар батафсил ёзиб борилади. (1-жадвал).
Журналнинг 1- графасига ҳайвонни бирламчи қабул қилгандаги рақами ёзилади. 2- графага ҳам шу ҳайвонга берилган биринчи рақам ёзилади. 3- графага ҳайвон қабул қилинган число, 4- графага хўжалик, ҳайвон эгасининг исми, шарифи, манзили, 5- графага ҳайвонинг тури, зоти, жинси, туси, инв. номери ва лақаби, 6- графага ҳайвоннинг касалланган вақти, 7- графага дастлабки диагноз, 8- графага ҳақиқий диагноз, 9- графага клиник ва қўшимча текширишлар натижалари, даволашга оид маълумотлар, қўлланилган дориларга рецептлар, ҳайвонни сақлаш ва озиқлантириш бўйича тавсиялар ёзилади. 10- графага касалликнинг оқибати (соғайди, харом ўлди, мажбуран сўйилди, бошқа гуруҳга ўтказилди), число, ой ва йил, 11- графага даволовчи врачнинг имзоси қўйилади ва эслатмалар ёзилади.
Журналнинг ўнг саҳифаси

Тартиб рақами		Сана, ой, йил	Ҳайвон эгаси манзили, И.Ш. Хўжалик	Ҳайвон тури, жинси, ёши, туси, инв. номери, лақаби	Касал-ланган вақти	Д и а г
биринчи марта	қайта келганда
						бирламчи
1	2	3	4	5	6	7

Журналнинг чап саҳифаси

н о з	Клиник текширишлар. Қўшимча текширишлар. Даволаш ва тавсиялар	Оқибати, сана, ой, йил.	Даволовчи врач имзоси
Ҳақиқий
8	9	10	11