«ветеринария» ихтисослиги бўйича олий ўҚув юртлари учун қЎлланма ички юқумсиз касалликлар фанидан

ҲаҚида


Режа:
1.1. Талабаларни кафедра, олимларнинг ишлари ва адабиётлар билан
таништириш.
1.2. Фаннинг таърифи, мақсад ва вазифалари, клиник фанлар орасидаги
ўрни.
1.3. Юқумсиз касалликларни ўрганиш тартиби.
Машғулотнинг мақсади: Талабаларни кафедра, фаннинг ўзига хос хусусиятлари ва бошқа фанлар билан алоқаси, фанни ўрганишдаги адабиётлар ва ҳайвонларнинг ички юқумсиз касалликларини ўрганиш схемаси билан таништириш.
Керакли асбоб-ускуна ва жиҳозлар: кафедрадаги стендлар, аслаҳалар, жиҳозлар, муляжлар, адабиётлар, касалликни ўрганиш тартиби жадвали.
Машғулотнинг бориши: Кафедрада ўқув ва клиник ишларидан ташқари илмий тадқиқот ишлари ҳам мукаммал равишда олиб борилади ва натижалари битирув малакавий ишлари, магистрлик, номзодлик ёки докторлик диссертациялари шаклларида расмийлаштирилади.
Фан бўйича илмий ишлар йўналишлари қуйидагилардан иборат:
- профессор Х.З.Иброхимов ҳайвонларда триходесмотоксикоз ва устилаготоксикоз касалликларини ўрганган. Ўзбекистонда хизмат кўрсатган фан арбоби унвонига сазовор бўлган. Ўндан ортиқ фан номзодлари ва битта фан доктори тайёрлаган;
- профессор Қ.Н.Норбаев қоракўл қўйларида оқсил ва минерал моддалар алмашуви бузилишлари ва гепатозлар бўйича;
- доцент М.Б.Сафаров қорамолларда моддалар алмашувининг бузилишидан келиб чиқадиган касалликлар ва стресслар бўйича;
- доцент Б.Б.Бакиров қоракўл қўйларда остеодистрофия, сигирларда оқсил, углевод ва липид алмашинувининг бузилишлари ва жигар патологияси бўйича;
- доцент Б.М.Эшбўриев ўстириш давридаги бузоқларда гепатодистрофия касаллиги ва бўғоз сигирларнинг эндемик микроэлементозлари, бузоқларда диспепсия касаллигини олдини олиш ва даволаш бўйича;
- доцент А.Ж.Рахмонов иссиқ иқлим шароитида қорамолларнинг модда алмашинуви бузилиши касалликлари бўйича;
- доцент А.О.Рахмонов қўзиларни ахталашдаги стрессларни олдини олиш бўйича илмий тадқиқот ишлари олиб бормоқдалар.