«veterinariya farmatsevtikasi» kafedrasi

Triptazin (stelazin). farmakodinamikasi. Aminazinga nisbatan kuchliroq antipsixotik samaraga ega tinchlantiruvchi va mushaklarni bo‘shashtiruvchi ta’siri kamroq. Qayt qilishni qoldiruvchi ta’siri kuchliroq.
Ishlatilishi. o‘tkir va surunkali ekzogen psixozlar, qo‘zg‘alishlarda tavsiya etiladi.
Davolashni kuniga 0,001—0,005 g dan boshlanadi va astasekin miqdori ko‘paytirib boriladi. Bir kechakunduzgi eng yuqori miqdori 0,1—0,2 g, 2—4 martadan, 1—3 oy davomida ichiladi. Erishilgan samarani quvvatlab turuvchi miqdori sutka davomida 0,02—0,05 g. Tez yordam olish uchun mushakka 0,006 g, kamdankam hollarda 0,01 g gacha yuboriladi.
Salbiy ta’sirlari. Jigar, oshqozon-ichak tomonidan buzilishlar kamroq uchraydi. Allergik reaksiyalar ham kam kuzatiladi.
Ishlatilmaydi. Utkir jigar kasalliklarida, dekompensatsiya bilan kechadigan yurakning organik kasalliklarida, buyrakning og‘ir kasalliklarida tavsiya etilmaydi.
Uzaro ta’siri. Boshqa psixotrop, tinchlantiruvchi preparatlar, antidepressantlar, parkinsonga qarshi dorilar bilan birga ishlatsa bo‘ladi. Alkogoldan bo‘ladigan gallyusinozlarda yaxshi yordam beradi.
Prenolon (metofenazat, silador). Farmakodinamikasi. Psixotrop ta’siridan faollovchi ta’siri yukori bo‘ladi, bu ta’siri tinchlantiruvchi ta’siridan ko‘ra yaxshi namoyon bo‘ladi. Davolashning 2—5 kunlarida jismoniy qo‘zg‘alishlar yo‘qoladi. Antigistamin va gipotenziv ta’siri jihatidan aminazindan ustun turadi. Yurak toj qon tomirlarini kengaytiradi.
Salbiy ta’sirlari. Aminazinga nisbatan 3—4 marta kam zaharli. Boshqa piperazin unumlariga nisbatan ekstrapiramidal yo‘llarga kam ta’sir qiladi. Ba’zan prenolon bilan davolash jarayonida qo‘zg‘alish, ko‘proq uyqusizlik avj oladi. Kamdan-kam hollarda yuzning shishi, bosh aylanishi, kamdan-kam teri toshmalari, sariqlik, periferik qonda o‘zgarishlar kuzatiladi.
Og‘ir jigar, buyrak, yurak kasalliklarida, endokarditda, alkogoldan va uxlatuvchi dorilardan zaharlanganda tavsiya etilmaydi.