Ва ўрта махсус

Сўзлашув услуби. Сўзлашув услуби кишиларнинг кундалик норасмий, эркин муомалалари доирасида тил бирликларининг ўзига хос амал қилишидир. Бу услуб ўз лексикаси, фонетикаси, морфологияси ва синтаксиси билан халқнинг оддий сўзлашув тилини ўзида акс эттиради. Сўзлашув услуби учун оддийлик, соддалик, бетакаллуфлик ва ҳаяжон хосдир. Гапнинг диалогик, тўлиқсиз, бир таркибли, сўз-гап каби шаклларидан фойдаланиш сўзлашув услубида нисбатан кўпроқ учрайди.
Сўзлашув услуби фонетик, лексик, грамматик ўзига хосликларга ҳам эга.

1. 
   Сўзлашув услубининг фонетик жиҳатлари:
   

Нутқда товушларнинг уйғунлашуви (ассимиляция - кетти, йигичча), бир товуш ўрнида иккинчисининг талаффуз қилиниши (диссимиляция - зарил), товушларнинг ўрни алмашиши (метатеза – турпоқ, дайро), товушларнинг орттирилиши (протеза - ўрамол, эпентеза -фикир, эпитеза - киоска) ёки туширилиб қолдирилиши (прокопа-ирик, синкопа - директир, апакопа - газет, редукция - бурни) каби фонетик ҳодисалар сўзлашув услубида намоён бўлади.

2. 
   Сўзлашув услубининг лексик жиҳатлари:
   

Оғзаки нутқда шевага хос сўзлар (Наманганда: келутти, кетутти; Хоразмда: гал, нечуксиз?, жонлими?; Бухоро, Самарқандда: нима бўлопти?, каллапўш); варваризмлар (о`кей, да, неужели, короче, училка, степуха); вульгаризмлар (дийдоринг ўчсин, башаранг қурсин, туршак); кўчма маъноли сўзлар (тулки, шайтон, илон, зал кулиб юборди, маҳалла келди, тирноққа зор); фразеологизмлар (илоннинг ёғини ялаган, тепа сочи тикка бўлди, бурни кўтарилди); қисқартмалар (Беги, Дили, универ, Озош).
3. Сўзлашув услубининг морфологик хусусияти:
Қаратқич қўшимчаси (-нинг) ўрнида тушум (-ни) келишигининг ишлатилиши (Каримни телефони, мени китобим); келишик қўшимчалари ўрнининг алмашиниши (уйгаман, Тошкентга ўқийди); кўплик қўшимчаларининг турли маънолари (бошларим оғриб кетди, дўконга ёғлар келди, дадамлар айтдилар); субъектив баҳо шакллари (кичрайтириш, эркалаш, кесатиш, исмларга қўшиладиган барча луғавий шакл ясовчилар).

4.