Узбекскому в классах общеобразовательных школ 2021-2022 учебный год класс 2022 Год Узбекский O‘zbek tili 9-sinf

3. Muslim Yoʻldoshevning “Bir dam oʻtir, onajonim” she’rini oʻqing va mazmunini
tushuntirib bering.
Bir dam o‘tir, onajonim
Tanish eshik, qadrdon uy, jonajon hovli,
Ichkariga yo‘llanaman dilim orziqib.
Onam peshvoz chiqar chopib, qo‘lida chovli,
Norin solib turgan ekan, shoshib, hovliqib.
Har gal shunday, qaylarnidir kezib kelaman,
Munisginam har safar ham bir ish bilan band.
Qo‘li tegmas qo‘liga hech, hayron bo‘laman,
Qaydan ekan onamdagi shunchalik g‘ayrat.
Yo do‘ppisi tizzasida, qatimi uzun,
Yo tandirga o‘t qalagan patir yopgani.
Eslolmayman, yasan-tusan bir chetda tursin,
Qoshlariga bir yolchitib o‘sma tortganin.
Ayvon sari yetaklaydi, so‘rab hol-ahvol,
Par yostiqlar qo‘yar, to‘shar yangi ko‘rpacha.
„Orom olib, bir ozgina uxlab ola qol,
Norinim ham tayyor bo‘lar sen turgungacha“.
O‘zing o‘tir onajonim norining keyin
Qo‘ni-qo‘shni emas gapir avval o‘zingdan.
Ichikibsan, sog‘inibsan yana ne deyin
Hammasini uqib oldim shundoq ko‘zingdan.
Tashvishlarim yuzlaringga solibdi ajin,
Yuzginangning madhi o‘zi yetuk bir doston.
Beboshligim ko‘zlaringda topibdi aksin,
Ko‘zlaringga qasidalar bitay, onajon!
Muslim Yo‘ldoshev
20-BILET


1. “Vatanimiz himoyachilari” matnini o‘qing va matnni ochuvchi savollar tuzing.
Vatanimiz himoyachilari
Mustaqillikka erishganimizdan so‘ng biz o‘z milliy armiyamizga ega bo‘ldik. 14-yanvar Vatan himoyachilari kuni sifatida keng nishonlanadi. Vatanimizni ko‘z qorachig‘idek asrash har birimizning burchimizdir. Yurtimizning har bir o‘g ‘loni Vatan himoyasi uchun xizmat qilishni orzu qiladi. Ular jonajon yurtimizning muqaddas sarhadlarini, xalqimiz osoyishtaligini mardona himoya qiladilar. Shuning uchun har bir bola chiniqqan va mard bo‘lishi kerak.
Respublikamizda har yili bahorda yigitlarimiz majburiy harbiy xizmatga chaqiriladilar. Ular bir yil davomida muddatli harbiy xizmatni o‘taydilar. Majburiy xizmatning to ‘rtdan bir qismi o‘tib bo‘lgach, yigitlarga shartnoma asosida harbiy xizmatni uzaytirish taklif etiladi.
Biz, yoshlar ham o‘zimizning bilimlarimiz, shijoatimiz va intilishlarimiz bilan Vatanimizga bo‘lgan sadoqatimizni ko‘rsataylik. Uning ravnaqi uchun sidqidildan xizmat qilaylik.
Savollar
1.Vatan himoyachilari kuni qachon nishonlanadi?
2.Vatanga bo‘lgan sadoqat tushunchalarini qanday izohlaysiz?
3.Majburiy xizmat muddati qancha?
4. Nima uhun Vatan-muqaddas?

3.