ЎҚув материаллари 2-мавзу: Мулк тавсифи, таснифи, кўрсаткичлари ва хусусиятлари режа

Юк автомобиль транспортлари таснифи: Автотранспорт корхоналари юкларни ташиш учун юк ташувчи ҳаракатдаги составлардан фойдаланилади. Булар: юк автомобиллари ва турли юк кўтариш қобилиятига эга автомобиль тиркамалари (борт, самосваллар, фургонлар, жумладан изотермик цистерналар ва бошқалар), ўта қийин йўлларда ҳам юриш қобилияти юқори автомобиллар, ярим тиркамали шатакчи автомобиллар. Транспорт тармоғини бу қисми ҳам ўзининг тармоқланган функциясига эга.
Турли асослар бўйича юк ташувчи транспорт воситалари таснифи қуйидаги кўринишга эга бўлади:

1. 
   Кўзов тури бўйича:
   

Ёпиқ тур: контейнер, чодирланган рефрежиратор (изотермик кўзов), изотермик фургон, микроавтобус.
Очиқ тур: бортли, самосвал, контейнер майдон, кран, автотранспортёр, цистерна, ёғоч ташувчи, эгар шатаклар.

2. 
   гуруҳлар бўйича:
   

1-гуруҳ. Бортли юк автомобили, яъни умумий мўлжалланган фургон автомобиллар.
2-гуруҳ. Ихтисослаштирилган юк автомобиллари. Булар: самосваллар, фургонлар, рефрижераторлар, контейнер ташувчилар, ярим тиркамали эгар шатаклар.
3-гуруҳ. Шартли яъни цистерна автомобиллар.

3. 
   Ўқлар миқдорига кўра: икки ўкли, уч ўқли, тўрт ўқли, беш ўқли ва ундан катта.
   
4. 
   Ўққа тушадиган оғирлик бўйича:
   

1. 
   Ўққа ортилган юк 6 тоннагача
   
2. 
   Ўққа ортилган юк 6 тоннадан 10 тоннагача.
   

5. 
   Ғилдирак формуласи бўйича: 4x2; 4x4; 6x4; 6x6 ғилдиракли юк автомобиллари.
   
6. 
   Таркиби бўйича: бир кишилик транспорт воситаси, таркибида автопоезди бор юк автомобили – тиркамали автомобиль ва ярим тиркамали автомобиль.
   
7. 
   Двигатель тури бўйича: бензинли ва дизели.
   
8. 
   Юк кўтариш қобилияти бўйича:
   

1. кичик юк автомобили;
2. ўртача юк автомобили;
3. катта юк автомобили;
4. 1,5 тоннадан 16 тоннагача юк кўтарадиган юк автомобили;
5. 16 тоннадан юқори бўлган оғирликдаги юкни кўтара оладиган юк автомобили.
Таснифлаш усулларининг бундай ранг-баранглиги тежамкорлиги, етказиб бериш тезлиги, тижорий яроқлилиги, хавфсизлиги, сиғими, юк кўтариш қобилияти ва бошқаларнинг оптимал уйғунлиги асосида юк ташишга транспорт воситасини танлаш учун уларнинг айрим параметрларини ажратиб кўрсатиш эҳтиёжи билан тушунтирилади.
Санаб ўтилган асослар рўйхати тахминий ҳисобланади. Чунки, уни транспорт воситаларининг муаййан функционал вазифалари, экплуатацион тавсифлари, ташилаётган юкларнинг ўзига хослиги ва бошқалардан келиб чиқиб давом эттириш мумкин.