ЎҚув материаллари 2-мавзу: Мулк тавсифи, таснифи, кўрсаткичлари ва хусусиятлари режа

Тўртинчидан, машиналар ва жиҳозлар учун жисмоний ва функционал эскириш ва қадрсизланиш муаммоси кўчмас мулкка қараганда долзарб, аниқлашда мураккаб ва ўз оқибатларига кўра аҳамиятли ҳисобланади.
Бешинчидан, машиналар ва жиҳозлар, айниқса техниканинг мураккаб турлари қийматини баҳолашда, тегишли тузатишларни киритган ҳолда, уларнинг бир-бирига боғлиқлик даражасини, стандартлар, техник шартлар ёки бошқа меъёрий-техник талабларга мос келишини ҳисобга олиш лозим.
Олтинчидан, машиналар ва жиҳозларни баҳолашда кафолатли хизмат кўрсатиш тизимининг мавжудлигини, шунингдек таъмирлаш фойдаланувчининг ўз маблағлари ҳисобидан амалга оширилган ҳолларда, баҳоланаётган объектларнинг таъмирлашга яроқлилик даражасини ҳисобга олиш зарур. Бунда шуни назарда тутиш керакки, таъмирлашга яроқлилик даражаси нафақат таъмирлашнинг техник имконияти ва унинг технологиясининг мураккаблиги билан, балки зарур эҳтиёт қисмларни ҳарид қилиш имконияти билан ҳам белгиланади. Чунки, ишлаб чиқаришдан олиб қўйилган машиналар ва жиҳозлар учун, одатда, эҳтиёт қисмлар ишлаб чиқариш ҳам тўхтатилади.
Еттинчидан, машиналар ва жиҳозлар ишлаб чиқарувчи тармоқ олдида ҳам бирламчи, ҳам иккиламчи бозорлар олдида товарни ўтказиш ва сотиш бозорларини кенгайтириш вазифалари туради. Шунинг учун улар таклиф нархининг пастки чегарасини аниқлашда ҳамма вақт ҳам унинг таннархига, ҳарид қилиш нархига ёки қолдиқ баланс қийматига мўлжал қилмайди.
Саккизинчидан, энг фаол сотувчиларда машина (жиҳоз) бирлиги нархида реклама ва маркетинг ҳаражатлари катта миқдорни ташкил қилади. Шу билан бирга ўхшаш объектлар сотилиш нархининг ушбу қисмлариии ҳамма вақт ҳам аниқлаш мумкин эмас, бу ҳол баҳолаш жараёнини кескин мураккаблаштиради.
Тўққизинчидан, машиналар ва жиҳозлар қийматини баҳолашда, баҳолаш қийматининг миқдорига тегишли тузатишларни киритган ҳолда, баҳоланаётган объектнинг ўзи ёки ўхшаш объект, баҳолашнинг ўша вақтида турган «ҳаётий цикл» босқичини ҳисобга олиш лозим.