ЎҚув адабиёти овқатланиш

Инозитфосфатидлар – фосфолипидли табиатга эга бўлган моддалар бўлиб, организм томонидан биомембраналар липидли қатламининг катион алмашинувчи ҳудудлари шаклланишида фойдаланилади.
Инсондаги инозит етишмовчилиги белгилари таърифланмаган. Инозит заҳарли хоссага эга эмас, аммо унинг овқат билан ошиқча тушиши
алмаштирилмайдиган минерал моддалар ва микроэлементларнинг биологик ҳаммабоплиги пасайишига олиб келади.
Оротат кислота. В13 витамини ёки оротат кислота биологик фаол сувда эрийдиган бирикмаларга киради. У организмда аспарагин кислотадан синтезланади, шунингдек, озиқ-овқат маҳсулотларининг кенг тўплами билан бирга тушади. Оротат кислотанинг физиологик аҳамияти унинг пиримидинли асослар синтезида иштирок этиши билан боғлиқдир.
Пангамат кислота. В15 витамини ёки пангамат кислота – физиологик фаол сувда эрийдиган бирикмадир. У озиқ-овқат маҳсулотларида кенг тарқалган бўлиб, айниқса уруғлар (қовоқ, кунгабоқар, кунжут), ёнғоқлар (бодом, хандонписта) ва ич маҳсулотлари (жигар) унга жуда бой бўлади.
Пангамат кислотанинг физиологик функциялари унда иккита метилли гуруҳларнинг борлиги ва трансметилланиш жараёнларида иштирок этиши эҳтимоли билан боғлиқдир. Метилли гуруҳларнинг донори бўлиш билан бирга, у липидли ва оқсилли алмашинувларни нормаллаштириш, қондаги холестерин миқдорини пасайтириш, мушаклардаги креатин-фосфат ва жигар ва мушаклардаги гликоген миқдорини оширишга қодир. Организмнинг ундан фойдаланиши мушаклар зўриқиши ва стресс билан боғлиқ метаболик жараёнлар кучайганида ошади.
Пара-аминобензоат кислота. У шартли равишда пребиотик омилларга киритилиши мумкин, чунки ичак микрофлораси учун ўрни беқиёс бўлган фолат кислотасининг синтезланиши учун зарурдир. Фолат кислота синтезланишини чеклаб қўйиш (масалан, сульфаниламидлар билан), бактериостатик самарага олиб келади ва дисбактериоз ривожланишига сабаб бўлиши мумкин. Инсон организмида бу кислота фолатларга эврила олмайди.
S-метилметионинсульфоний. U витамини ёки S-метилметионин- сульфоний – карам шарбатидан ажратиб олинган ва яраларга қарши таъсирга эга бўлган биологик фаол бирикмадир. Унинг яраларга қарши таъсири ошқозон ва ичаклар шиллиқ қобиғида гистаминнинг метилланиши (фаоллиги пасайиши), бу эса яллиғланиш интенсивлигини пасайтириши ва секреция ажралишини пасайтириши билан боғлиқ бўлиши мумкин.
U витамини организмга сарсабил (миқдори жуда катта – 100 г маҳсулотда 150 мг. гача) билан, шунингдек, карам, сабзи, кашнич ва шивит ошкўкилари, шолғом, қалампир, помидор, пиёз билан тушади.
Ороат, пангамат ва пара-аминобензоат кислоталари, шунингдек, S- метилметионинсульфоний сувда эрийдиган биологик фаол бирикмалар сафига киритилган, бироқ уларга бўлган суткалик эҳтиёж аниқ белгиланмаган. Санаб ўтилган бирикмалар учун гиповитаминоз ҳолати таърифланмаган. Уларнинг организмда синтезланиши зарурий физиологик даражани таъминлайди. Уларнинг баридан турли касаллик ҳолатларида биологик регуляторлар сифатида фаол фойдаланилади.

7.