Uo‘K: 4(100) (075) kbk: 63. (0) R-17 Rajabov, Ravshan Jahon tarixi

Etnografiya  ma’lumotlari.  Misrliklar boshqa ko‘pgina qa-

dimgi Sharq xalqlari singari bir qancha qabilalarning asta-sekin 

aralashib ketishi natijasida tashkil topgan. Qadimgi Misr xalqi-

ni tashkil qilgan bu qabilalar Shimoliy va Sharqiy Afrikaning 

mahalliy qabilalaridir. Misrdagi arxaik davrga mansub bo‘lgan 

kishilarning o‘ziga xos haykalchalari, Misr hududidagi arxaik 

qabrlardan topilgan bosh suyaklarini o‘lchab ko‘rish natijalari, 

shuningdek, qadimgi Misrliklarga somali va boshqa qabilalar-

ning tipiga bir muncha o‘xshab ketishi eng qadimgi misrliklar-

ning tropik Sharqiy Afrikadagi qabilalar bilan qarindoshligini 

ko‘rsatadi. Qadimgi Misr tasvirlariga ko‘ra, Sharqiy Afrikada 

(Punt mamlakatida) yashagan qadimgi qabilalar o‘zlarining 

tashqi qiyofalari bilan misrliklarga juda ham o‘xshab ketadilar.

Qadimgi Misrdagi samoviy sigir shoxli ayol qiyofasida tasvir-

langan hosildorlik ma’budasining tasviri hamda sersoqol, paka-

na xudo Bes tasviri Misrning Afrika xalqlarining diniy e’tiqodlari 

bilan yaqin bog‘langanidan dalolat beradi. Qadimgi podsholik 

davriga oid yozuvda Nubiyadan maxsus «xudo raqsi» ni bajaruv-

chi pakana odamning Misrga keltirilganligi to‘g‘risida ma’lumot 

beriladi. Bundan tashqari, qadimgi Misr Shimoliy Afri kaning 

liviya qabilalari bilan ham juda yaqin bo‘lgan. Qadimgi Misr 

tili o‘zining ba’zi xususiyatlari bilan Shimoliy Afrikadagi berber 

tillariga ham o‘xshab ketadi. Misrda va Nil vodiysini o‘rab ol-

gan baland tog‘liklarda o‘tkazilgan arxeologik qazishmalarning 

ko‘rsatishicha, o‘ziga xos Misr madaniyatini vujudga keltirgan 

qabilalar qadimgi tosh davridan buyon shimoliy-sharqiy Afrika-

da yashaganlar.