Умурзоқов, А. Тошбоев

Фермер хўжалигининг асосий вазифаси қишлоқ хўжалик маҳсулотлари етиштиришни кўпайтириш, аҳолини истеъмол моллари билан таъминлаш, моддий ресурслардан самарали фойдаланиш, тупроқ унумдорлигини ошириш, тежамкор технологияларни амалиётга жорий этиш, атроф-муҳит экологияни яхшилашдан иборат. Ҳозирги кунда ҳукумат томонидан шу соҳани ривожлантиришга асосий эътибор берилиб, қатор қонун ва қонун ости ҳужжатлари қабул қилиниб, амалиётга кенг жорий этилмоқда.

1.2.2-жадвал. Фермер хўжаликлари фаолиятининг асосий кўрсаткичлари

Кўрсаткичлар	2003 й.	2004 й.	2005 й.	2006 й.
Фермер хўжаликлари сони, дона	87552	103921	125668	189235
Уларга бириктирилган ер майдони, минг га	2148,1	2935,4	3775,3	4953,2
Фермер хўжаликларида иш билан банд бўлганлар сони, минг киши	603,0	765,3	954,2	1381,1
Ялпи қишлоқ хўжалик маҳсулотларида фермер хўжаликларининг улуши, %	14,1	24,1	38,1	55,0
Битта фермерга тўғри келади, га	24,5	28,2	30,0	26,2

Республикамизда, 2004-2006 йилларда фермер хўжаликларини ривожлантириш концепциясига асосан, 2007 йилга келиб фермер хўжаликларига бириктирилган ер майдонларининг умумий қишлоқ хўжалиги ерларидаги салмоғи 17,5 фоиздан 63,3 фоизгача, суғориладиган майдонлардаги салмоғи 72,1 фоизгача етади. Фермер хўжаликларининг қишлоқ хўжалиги ялпи маҳсулотидаги улушини 25 фоизгача етказиш ёки фермер

хўжаликларида қишлоқ хўжалик маҳсулотларини етиштириш ҳажмини уч йил ичида 2 баробарга кўпайтириш белгиланди. Фермер хўжаликларининг умумий сони 189,2 мингтага, уларга бириктирилган ер 4,9 млн.га етди. Фермер хўжаликларининг ялпи қишлоқ хўжалик маҳсулотларини ишлаб чиқаришдаги улуши 2003 йилда 14,8 %дан, 2006 йилда 32,3 %га, жами экин майдонлари 36,9 %дан 74,5 %га ортди. Пахта етиштириш 37,9 %дан 86,3 %га, буғдой 35,8 %дан 71,0 %га ортди. Экспертлар хулосасига кўра, фермер хўжаликларида ширкат хўжаликларига қараганда, пахта ва буғдойни етиштириш унумдорлиги юқори бўлди. Республика халқ хўжалиги иқтисодиётида фермер хўжаликларининг салмоғи ортиб бориши, аввало, фермерлар сонининг ортиб бориши, уларга бириктирилган ер майдонлари ва маҳсулот ҳажмининг ортиб боришидир. Ҳукумат томонидан олиб борилаётган иқтисодий ислоҳотларни амалиётга кенг жорий қилиш орқали фермер хўжаликлари фаолиятини янада ривожлантириш имконияти яратилади.

3.