Учебное пособие по предмету «Каракалпакский язык» написано и утверждено на основе учебного плана и рабочей программы. Учебное пособие предназначено для студентов высших учебных заведений, обучающихся по специальности на узбекском языке

Jazılıwı
Aytılıwı
jaz – sa	Jassa
sóz – siz	sóssiz
Orın – bay	Orımbay
Alpıs – bay	Alpıspay
sarı – ala – at	saralat
men keldim	men geldim

3.3. 1) «Shet tillerin úyreniwdiń nege keregi bar?» tekstinen poliglotlardıń atın terip jazıń.
2) Ózlerińiz poliglotlardı bilesiz be?





3.4. Kóp tildi bilgende edi.
Birin – biri túsinbewshilik, dostı dushpanǵa aylandırıw haqqında Jalaladdin Rumiydiń mınanday pikiri bar:
Kóp tildi bilgende edi…
Túrli tilde túrlishe aytılǵan bir sóz bazıda óz – ara kelispewshilikke sebep boladı. Túrk, arab, parsı hám grek milletinen bolǵan tórt jolawshıǵa bir saqıy adam teńge sawǵa etipti. Jolawshılar arasında teńgeni qanday etip sarıplaw barısında jánjel shıǵadı. Parsı tilinde sóylewshi jolawshı sheriklerine:
– Júrińler bazarǵa baramız da angur (parsı tilinde júzim mánisin ańlatadı) satıp alamız, - deydi.
– Áy, insan! - dep onıń sózin bóledi arab. – Men angur emes, eynap (arab tilinde júzim mánisin bildiredi) jewdi qáleymen.
Túrk jolawshısı bolsa olardıń ekewiniń de pikirine qarsılıq bildirip, sonday deydi:
– Biradarlar nege shawqım kóteresiz? Bálkim, bul pulǵa júzim satıp alamız.
Grek jolawshısı bolsa;
– Qanday adamsız ózi. Keliń stafil (grekshe júzim mánisin bildiredi) satıp alamız da, ráhátlenip jeymiz, - deydi.
Sol waqıtta tórt jolawshı birin – biri túsinbey, bir – birine alıp topıladı. Eger olardıń arasında kóp tildi biletuǵın adam bolǵanda bir sóz benen kelispewshilikke shek qoyıw múmkin edi.
3.5. 1) Sizler buǵan ne deysiz?
2) Eger sizler basqa mámleketlerge barmaqshı bolsańız, til bilmeseńiz ne isler edińiz?
3) Házir qaysı tildi úyrenip atırsız?
3.6. Berilgen sorawlar boyınsha toparlarǵa bólinip prezentatsiya jasań (3 – 4 studentten).
1) Dúnyada xalıqlar neshe tilde sóylesedi?
2) Eń keń taralǵan qaysı til? Bul tilden qansha xalıq paydalanadı.
3) Dúnyada poliglotlardan kimlerdi bilesiz?
4) Ózbekstan jasları arasında kóp tildi biletuǵın jaslardı tanıysız ba?