Учебное пособие по предмету «Каракалпакский язык» написано и утверждено на основе учебного плана и рабочей программы. Учебное пособие предназначено для студентов высших учебных заведений, обучающихся по специальности на узбекском языке

18.9. Berilgen sózlerdiń sorawların qoyıp sepleń.
Kitap, student, maqala, teatr, institut, gazeta.
18.10. Tekstten betlik, seplik, tartım qosımtaları bar sózlerdi tabıń.
Ullı oyshıllar bala tárbiyası haqqında
Ullı oyshıllarımız Al – Xorezmiydiń ilimiy bilimler tarawındagı jańalıqları, Abu Nasr Farabiydiń jetik insan kontseptsiyası, Abu Rayxan Beruniydiń ilimiy biliw jolları, usılları, ilim – ónerdi iyelew usılları, ádep – ikramlılıq belgileri hám onı iske asırıw usılları boyınsha kózqarasları, Abu Ali Ibn – Sinonıń aqılıy, ádep – ikramlılıq, dene tárbiyasına baylanıslı táliymatları, tálim – tárbiya tariyxında jaratılǵan barlıq tálim – tárbiyalıq shıǵarmalar bárkamal insan tárbiyasında bas qural boladı.
Balanıń kámil insan bolıp jetilisiwinde eń tiykarǵı usıllardıń biri – shańaraqtaǵı jası úlkenlerdiń birinshi gezekte ata – anasınıń tárbiyası bolıp tabıladı. Biz hárdayım balalardı jası úlkenlerden órnek alıwǵa shaqıramız. Haqıyqatında da, órnek alıwǵa shaqırıw ata –babalarımızdan qalǵan ájayıp tárbiya usılı bolıp esaplanadı. Sonıń ushın da kámil insannıń qáliplesiwiniń tiykarǵı ózegi shańaraq bolıp, perzentlerdiń keleshektegi baxıtlı turmısına shańaraqta tiykar salınadı.
Terminlerdi salıstırıń

Qaraqalpaqsha	Ózbekshe	Inglisshe
menshikli atlıq	atoqli ot	proper noun
ǵalabalıq atlıq	turdosh ot	common noun
tartım*	egalik	–
seplik*	kelishik	–
betlik*	shaxs	–

* Inglis tilinde tartım, seplik, betlik jalǵawları ushıraspaydı. Onıń ornına tartımlı almasıq (possessive adjective, possessive pronoun) hám predloglar qollanıladı.