Учебное пособие по предмету «Каракалпакский язык» написано и утверждено на основе учебного плана и рабочей программы. Учебное пособие предназначено для студентов высших учебных заведений, обучающихся по специальности на узбекском языке

18. Saqıpqıran Ámir Temur
Atlıqtıń kategoriyaları
18.1. Tariyxıy tulǵa
Ǵárezsizliktiń ullı jemisleriniń biri ata – babalarımızdıń ismi hám mádeniy miyraslarımızdıń tikleniwi bolıp esaplanadı. Buǵan birinshi náwbette ullı mámleketlik isker, áskeriy sárkarda, ilim – bilim hám mádeniyattıń rawajlanıwına úles qosqan Ámir Temur babamızdı atap ótsek boladı. Ol 1336 – jılı 9 – aprel Kesh (Shaxrasabz) qalasında tuwılǵan. Jaslayınan ilim alıwǵa, shabandozlıq hám ań awlawǵa júdá qızıqqan. Sonlıqtan, sheber shabandoz hám dáwjúrek, bahadır bolıp erjetti.
O l tariyxımızda ullı xızmetleri menen birge ilim hám ádebiyatqa kúshli itibar qaratıp, ónermentshilik, diyqanshılıq, sawda – satıqtıń rawajlanıwına keń jol ashıp berdi.
Ol elimiz tariyxında mámleket basqarıwına baylanıslı dóretpe jazıp qaldırǵan jeke húkimdar bolıp esaplanadı yaǵnıy «Temur tuzukleri» kitabı milliy mámleketti basqarıwda tiykarǵa derek bolıp esaplanadı.
Óz xalqın, milletin súygen sárkarda 1405 – jılı 19 – mart kúni ólimi aldınan ullarına qaldırǵan násiyatında jaqsı oqıw, millettiń dártine dárman bolıw, ázzilerdi zalımlardıń zulımınan qorǵaw, hár iste ádalat hám azatlıq dástúr bolıwın násiyat etip qaldıradı. Shıǵıs húkimdarlarınan Mırza Uluǵbek, Muhammad Babur, Shah Jahan, Muhammed Alixan bul hújjetlerden kóshirme alıp, onı qollanba retinde paydalanǵan. ( «Erkin Qaraqalpaqstan» gazetasınan).
18.2. Tekst boyınsha sorawlar hám tapsırmalar.
1) Tekstten atlıq sózlerdi tabıń, oǵan qosılǵan qosımtalardı ajıratıń. Astı sızılǵan sózlerge itibar beriń.
2) «Temur tuzukleri» kitabınan eldi basqarıwǵa, ilim alıwǵa baylanıslı násiyatların terip jazıń hám ishinen atlıq sózlerdi tawıp túbir hám qosımtalarǵa ajıratıń.

Qaraqalpaq tilinde 6 seplik bar.