Учебное пособие по предмету «Каракалпакский язык» написано и утверждено на основе учебного плана и рабочей программы. Учебное пособие предназначено для студентов высших учебных заведений, обучающихся по специальности на узбекском языке

Betlik kategoriyası
Atlıqlar Kim? Ne? sorawlarına juwap beredi hám betlik hám betlik emes atlıqlar bolıp ekige bólinedi. Kim? sorawına juwap beretuǵın atlıqlar betlik atlıqlar dep ataladı.
Bunday atlıqlarǵa adamlardıń atı, milleti, kásibi hám t.b. baylanıslı aytılatuǵın sózler kiredi. Mısalı: Maxmud, Gúlsánem, jazıwshı, muǵallim, fermer, student.
Betlik atlıqlar birlik hám kóplik sanda úsh bette qosımtalar menen ózgeredi.

Birlik san	Kóplik san
studentpen	studentlermiz
studentseń	studentlersiz
student	studentler

18.3. Shınıǵıw. Tekstten atlıqtıń seplik, betlik qosımtaların tabıń.
Ózbekstan Respublikası Ministrler Kabinetiniń 1994 – jılı 9 – dekabrdegi «Ámir Temur tuwılǵan kúniniń 660 jıllıǵın belgilew haqqında»ǵı qararı, Prezidenttiń 1996 – jıldı Ámir Temur jılı dep járiyalaw haqqındaǵı 1995 – jıl dekabrdegi pármanı Ámir Temur qádiriyatın tiklewde ayrıqsha áhmiyetke iye boldı.
Tashkent qalasınıń orayında Ámir Temur qıyabanı dóretildi. Usı qıyabannıń ortasında saqıpqıran Ámir Temurge atlı ásker esteligi ornatıldı.
«Temur tuzukleri» kitabı basıp shıǵarıldı. «Ámir Temur tuzuklerin oqısam, – degen edi birinshi Prezidentimiz I.A.Karimov, – tap búgingi zamannıń úlken – úlken mashqalalarına juwap tapqanday bolaman».
Ullı babamız, ullı mámleketlik isker hám jeńilmes sárkarda Ámir Temurǵa arnap Temuriyler tariyxı mámleketlik muzeyi salındı.
18.4. Joqarıdaǵı teksttiń ishinen atlıq sózlerdi ózlerińiz tańlap seplik qosımtaların, betlik qosımtaların qoyıń.
18.5. Noqatlardıń ornına tiyisli qosımtalardı qoyıp shıǵıń.
1) Ámir Temur násiyatları.
2) Dushpan… kúlge… sırıńdı bilgeni. Mámleket – ásker hám puqara… sadıqlıǵı hám pidayılıǵı menen qudiretli bolar.
3) Eger biziń qúdiret… bilgińiz kelse, qurǵan imarat… kóriń.
4) Qay bir jerden bir tas alsa… ornına on tas qoydı…, bir terek kestirse… ornına on nál ektirdi…