У. Юлдашев, М. Мамаражабов, С. К. Турсунов

Фреймлар номлари

Структуранинг мустақил фреймларига алоҳида ном белгилаш мумкин. Аммо бу ном бериш шарт дегани эмас. Кўп ҳолларда ўта зарур бўлиб қолади, чунки у битта тузилма соҳалари ўртасида ўзаро кесишган таянишлар ташкил этиш ҳамда кўриш дастурлари ичига жойлаштирилган фреймлардан ташкил топган гиперматнли ҳужжатларни аниқ таҳлил қилиш имконини беради.
Фреймга ном бериш қуйидагича бўлади.

1. 
   Фреймни танланг.
   
2. 
   Property Inspector (Инспектор свойств) палитрасини очинг. Бунинг учун CTRL+F3 тугмалар комбинациясини босиш керак (агар у экранда бўлмаса).
   
3. 
   Frame Name (Имя фрейма) майдонига фрейм номини киритинг (36а-расм). Бунинг учун қуйидаги қоидаларга амал қилиш керак:
   
   • 
     фрейм номи битта сўздан иборат бўлиши ва пробел ишлатилмаслиги керак;
     
   • 
     фақат ҳарфлар ва рақамларни ишлатиш, махсус символлар масалан, икки нуқта, дефис, қавслар ва бошқалар ишлатиш мумкин;
     
   • 
     барча номлар такрорланмаслиги керак;
     
   • 
     _blank, _parent, _self, _top каби номларни қўллаш тақиқланади.
     

36а-расм. Frame Name - фрейм номи

Саҳифаларга прокруткалар ўрнатиш

Прокрутка тасмалари - бу ҳар қандай фойдаланувчига яхши таниш бўлган Windows нинг бошқарув элементидир. Унинг ёрдамида ўлчами катта бўлмаган ойналарда катта ҳужжатларни кўриш мумкинлиги ҳаммамизга маълум. Бу бошқарув элементи баъзан скроллинг ҳам деб юритилади.
Фреймли гиперматнли ҳужжатларнинг ажойиб хусусиятларидан бири бу алоҳида фреймга прокрутка қўйилишидир.
Property Inspector (Инспектор свойств) палитрасининг Scroll (Прокрутка) бўлими ёрдамида прокруткани кўратгичларини белгилаш мумкин.

• 
  Default (По умолчанию). Прокруткани акс эттириш зарурати ҳақидаги масалани ҳал қилишни броузер дастури ихтиёрига қолдиради.
  
• 
  Yes (Да). Фреймли худуд ҳолатидан қатъий назар прокруткани ўрнатиш.
  
• 
  No (Нет). Прокруткани чиқишини тақиқлаш.
  
• 
  Auto (Автоматически). Автоматик чиқиш режими. Бу ҳолатда фрейм ўлчамидан киритилаётган маълумотлар ортиб кетса прокрутка экранга автоматик равишда чиқарилади.