У. Юлдашев, М. Мамаражабов, С. К. Турсунов

Дастурнинг кутубхонаси

Кутубхоналар - бу гиперматнли саҳифанинг дизайнига тегишли кўп марта қўлланиладиган элементларни сақлаш воситасидир. Бу элементларга: тасвирлар, боғланишлар, матн бўлаклари ва бошқалар киради. Dreamweaver дастурида эса кутубхонанинг ишлаш принципи бироз бошқача. Дастлаб кутубхонага сақлашнинг битта элементи ҳисобланган, объект ёки объектларга тегишли гиперматнли белгилаш фрагментлари сақланади. Dreamweaver дастурида кутубхона элементлари махсус Library папкасида сақланади. Бу папка сайтнинг асосий папкаси ичида жойлашади. Ҳар бир Web-узел ўзининг стандарт элементлари ва уларни сақлаш папкасини ташкил қилувчи шахсий кутубхонасига эга. Улар билан ишлаш учун палитранинг Assets (Ресурсы) бўлимидан фойдаланилади (37-расм). Кутубхоналар билан бошқариш ишларининг асосий қисмини палитранинг Assets (Ресурсы) бўлимини буйруқлари ёрдамида амалга оширилади.

37-расм. Палитранинг Assets бўлими.

Dreamweaver да кутубхоналарнинг асосий имкониятларини санаб ўтамиз.

• 
  Кутубхона элементи деб дескриптори орасида ётган ҳар қандай фрагментни айтиш мумкин.
  
• 
  Кутубхона элементлари қўлланилишида чексиз имкониятларга эга. Уларни гиперматнли саҳифаларга ҳеч қандай таҳрирлашсиз қўйиш мумкин.
  
• 
  Кутубхона элементларига ўзгартириш киритилса, уларни бошқа гиперматнли саҳифалар ва ҳужжатларда қўллашда сақланиб қолади.
  
• 
  Саҳифалардаги кутубхона намунаси ва унинг нусхалари орасидаги алоқани ўзишга рухсат этилади.
  
• 
  Дастур алоҳида сайтлар ўртасида кутубхона элементларини алмашиш буйруқларига эга.
  
• 
  Кутубхоналар динамик хусусиятга эга бўлган объектларни сақлаш хусусиятига эга.
  
• 
  Вақт диаграммалари (timeline) ва стилларнинг каскадли саҳифалари кутубхонада сақланиши мумкин эмас.