У. Юлдашев, М. Мамаражабов, С. К. Турсунов

Дастурни ишга тушириш

Пакет ўрнатилгандан кейин Windows бош менюсига Dreamweaver ни юклаш ва унга тегишли файллар махсус бўлими қўшилади. Ҳар қандай ҳолатда ҳам дастурни юклаш буйруғи: Пуск > Программы > Macromedia Dreamweaver MX > Dreamweaver МХ кўринишида бўлади.
Дастурни юклашни бир нечта универсал усуллари мавжуд. Бу бизга оддий Microsoft office пакети дастурларидан ҳам маълум.

Интерфейс. Дастур ойнаси қисмлари

Интерфейс деганда информатикада дастурдаги турли компонентлар ва фойдаланувчи ўртасидаги ўзаро алоқани таъминловчи воситалар ва қоидалар йиғиндиси тушунилади. Dreamweaver пакети таклиф этадиган муомала усули замонавий фойдаланувчи учун одатий бўлиб қолган график ойнали интерфейс принципларига асосланади. Dreamweaver пакети ўша синфдаги бошқа дастурлар билан таққослаганда анча аниқ, мослашувчан ва шу билан бир пайтда кучли интерфейс ҳисобланади. Палитралар, кўп сонли клавиатура комбинациялари ва меню қатори унинг асосий «ташувчи лойиҳалари» ҳисобланади. Барча операциялар тўхтатилгач экранда қоладиган ойналарни палитралари (Palette) ёки панеллар (panel) деб аташ қабул қилинган. Экраннинг махсус ажратилган позицияларида эмас, балки ихтиёрий жойида жойлаша оладиган ойналар кўчиб юрувчи палитралар (floating plette) деб аталади. Dreamweaver дастури мулоқот ойналарининг кўпчилиги кўчиб юрувчи палитралар кўринишида ишлайди.
Палитралар ва панеллар орасидаги кичик фарқлар дастурни тавсифлаш учун сезиларли аҳамиятга эга эмас. Шунинг учун келгусида бу атамаларни синонимлар сифатида қўллаймиз.
Деярли барча палитралар бирлашиш хусусиятига эга. Бу ҳар хил палитраларни битта мулоқот ойнасида жойлаштириш мумкинлигини билдиради. Бирлаштириш амали турли мавзу ёки буйруқларга тегишли бошқарув воситаларига эга бўлган кўп функцияли терма палитраларни олиш имкониятини беради. Бирлашиш хусусиятига эга бўлган палитраларни (улар дастурда кўпчиликни ташқил этади) модулли (dockable) палитралар деб атаймиз. Бир неча алоҳида модуллардан иборат мураккаб палитралар терма (tabbed) палитралар деб аталади.
1-расмда тўртта очиқ мулоқот ойнали дастурнинг ташқи кўриниши кўрсатилган. Бошқарувнинг энг талаб қилинувчи воситаси сўзсиз, Properties inspector (хоссалар инспектори) палитраси ҳисобланади. Унинг ёрдамида HTML саҳифаларида объектларни форматлаш ва HTML саҳифасидаги объектларни таҳрирлаш бўйича кўплаб амаллар бажарилади. Behavieros (режимлар) палитраси – бу модули кўчиб юрувчи палитрага мисол бўлади. Dreamweaver дастури турли лойиҳа масалаларини ҳал қилишга мўлжалланган унга яқин шунга ўхшаш объектларга эга.



1-расм. Дастур ойнасининг ташқи кўриниши

Расмда иккита оддий модулли Layers ва History палитралардан иборат бўлган терма палитрага мисол келтирилган. Objekts палитраси ташқи объектлар: расмлар, жадваллар, қатламлар фреймлар ва бошқа объектларни қўйиш учун мўлжалланган. Расмда кўрсатилган бошқа барча бошқарув элементлари ҳужжат ойнасининг ажралмас ташкил этувчи қисми ҳисобланади. Техник тизимларнинг ишончли ишлаши, дастурий маҳсулотлари интерфейсларининг қулайлиги асосида тўғри ташкил қилинган. Dreamweaver пакети форматлаш ва таҳрирлашнинг деярли барча асосий буйруқлари учун амалга оширишнинг бир неча хил усулларини таклиф этади. Кенг форматли экранларнинг омадли эгалари уларни палитралар ва панеллар ёрдамида бажаришлари мумкин. Бундан маҳрум фойдаланувчиларга эса дастур меню қатори буйруқларини ва клавиатура тугмалари комбинацияларидан фойдаланилади.