У. Юлдашев, М. Мамаражабов, С. К. Турсунов

Палитра ва тез юкланиш панели

Тез ишга тушириш палитраси (Launcher) – бу асосий мулоқот ойналари ва дастурлар панелларини экранга чиқариш учун мўлжалланган ёрдамчи, хизматчи палитра. Палитрани акс эттириш учун Windows > Launcher (Окно > Тез ишга тушириш палитраси) буйруғини бажариш керак. Бу буйруқнинг такроран бажарилиши палитрани экрандан олиб ташлайди.
Палитранинг Launcher (тез ишга тушириш) тугмасини босиш натижасида экранга шу номдаги мулоқот ойнаси чиқади. Буйруқ тугмасини такроран босиш агар очилган палитра экраннинг олдинги қаватида жойлашган бўлса, уни ёпади. Агар фаол палитра ҳеч бўлмаганда қисман бошқа объектлар билан тўсилган бўлса, у олдинги қаватга ўтади.
Палитра еттита энг кўп талаб қилинадиган дастур компонентларининг тез ишга тушириш тугмаларини бирлаштиради.
Site (Сайт) - катта сайтларни бошқариш учун мулоқот ойнаси, мураккаб кесишувли боғланишларга эга гиперматнли ҳужжатлар тизими учун.

• 
  Assets (Библиотека) - бу ном ҳарфма-ҳарф таржимада фаоллар ёки фондлар маъноларини беради. Бу панел дастурда кутубхона ролини ўйнайди. У гиперматнли ҳужжатлар дизайнига тегишли элементларни ўзида сақлайди. Бу элементларга: тасвирлар, ранглар, ташқи боғланишлар, Flash – роликлари, шаблонлар ва бошқалар киради.
  
• 
  HTML Styles (Стили HTML) – бу палитра матнли қатор ва абзацлар учун HTML белгили стиллар билан ишлашга мўлжалланган.
  
• 
  CSS Styles (Каскадные листы стилей) - бу палитра стилларни каскадли саҳифалар билан бошқариш учун хизмат қилади. Кейинчалик бу жумлани «иерархик стиллар спецификацияси» кўринишида ҳам қўллаймиз.
  
• 
  Behaviors (Режимы) - палитраси гиперматнли саҳифаларни интерфаоллигини бошқариш воситаларини ўзида бирлаштирган. Сценарий саҳифани кўриш жараёнида рўй берадиган ходисалар асосида қурилади. Бу жараённинг чизмасида кўплаб интерфаол эффектлар йиғилади: оддий анимациялашган тугмалардан тортиб маълумотлар омборини қайта ишлашнинг мураккаб процедураларигача.
  
• 
  History (Предыстория) – палитраси фойдаланувчининг HTML ҳужжатни таҳрирлашдаги хатти-ҳаракатларини ёзиб боради ва сақлайди. Таҳрирлаш жараёнидаги операцияларни бекор қилиш имконини беради ва айрим занжирли кетма-кетликларни буйруқ кўринишида сақлайди.
  
• 
  Code Inspector (Инспектор кода). Дастурнинг энг муҳим палитраларидан бири. HTML кодининг ички таҳрирлагичи бўлиб Dreamweaver нинг графикли режимига ўзаро боғланган.
  

Тез ишга тушириш палитрасининг ўнг томондаги пастки бурчагида тўғри буракли тугма жойлашган. Бу восита палитранинг йўналишини ўзгартиришга мўлжалланган. Тез ишга тушириш палитрасини ўзгартириш мумкин. Бунинг учун Edit > Preferences (Тўғрилаш > Созлаш) буйруғини бериш керак. Дастурнинг асосий созлашларига эга бўлган мулоқот ойнаси очилади. Унда Panels (панеллар) категориясини танлаб олинг ва палитра ичидаги Show in Launche (тез ишга тушириш палитрасида кўрсатинг) бўлимида бериладиган воситалар ёрдамида ўзгартиринг. Ҳолат қаторининг ўнг қисмида (2-расм) жойлашган. Тугмалар кўриниши ва вазифаси бўйича тез ишга тушириш палитрасига тўлиқ тенг бўлган панель жойлашган. Бу Launche (тез ишга тушириш) палитрасининг ўзига хос филиали бўлиб, унинг ичидагилар асосий палитранинг ичидагилари ўрнини босади. Бу воситани тез ишга тушириш панели деб атаймиз.