У. Юлдашев, М. Мамаражабов, С. К. Турсунов

Меню қатори

Меню қатори – бу Windows нинг ихтиёрий иловасининг зарурий атрибутидир. У командаларга, мулоқот ойналарига, тугмаларга йўл очади, улар ёрдамида ҳужжат яратиш, дастурни созлаш, визуаллаштириш жараёнини бошқариш каби самарали ишлар бажарилади. Меню қаторининг ҳар бир банди вазифаси жиҳатидан бир-бирига яқин киритилган меню ва кичик менюлар иерархиясини ҳосил қилувчи буйруқлар гуруҳини бирлаштиради. Бу бандларнинг қисқача тавсифини келтирамиз.

• 
  File менюси (Файл) файллар билан боғлиқ буйруқларни, гиперматнли ҳужжатлар шаблонлари билан ишлаш, экспорт қилиш, импорт қилиш ва броузер дастурларида кўриш буйруқларини ўз ичига олади.
  
• 
  Edit (Правка) менюсига таҳрирлаш ва қидириш билан боғлиқ буйруқлар киради.
  
• 
  View (Вид) менюси интерфейснинг ёрдамчи элементларини ва гиперматнли ҳужжат объектларининг кўринишлари устида ишловчи буйруқларни ўз ичига олади.
  
• 
  Insert (Вставка) менюсига ҳар-хил объектларни импорт қилиш буйруқлари киради: расмлар, жадваллар, формалар, катламлар, махсус белгилар ва бошқа объектларни импорт қилиш.
  
• 
  Modify (Изменить) менюси ўз ичига гиперматнли ҳужжат объектлари атрибутларини ўзгартириш буйруқларини олади.
  
• 
  Text (Текст) менюси ўз ичига матнли фрагментларни ҳосил қилиш ва уларни форматлаш билан боғлиқ буйруқларни ўз ичига олади.
  
• 
  Commands (Команды) менюси гиперматнли ҳужжатларни автоматик қайта ишлаш буйруқларини ўз ичига олади.
  
• 
  Меню қаторининг Site (Сайт) бўлими сайт билан ишлаш воситалари ва гиперматнли ҳужжатлар билан боғлиқ мураккаб тизимлар воситаларини ўз ичига олган.
  
• 
  Window (Окно) менюси дастурга тегишли палитралар, панеллар ва мулоқот ойналарини ўрнатиш ва олиб ташлаш билан боғлиқ буйруқларни ўз ичига олади.
  
• 
  Help (Справка) менюсида дастурдан фойдаланиш ҳақидаги интерактив маълумотларни чақириш, электрон қўлланмани чақириш каби буйруқлар жойлашган.