У. Юлдашев, М. Мамаражабов, С. К. Турсунов

Қатор, устун ва катакчаларни форматлаш

Dreamweaver дастури нафақат жадвални форматлаш, балки унинг таркибий қисмлари: қаторларни, устунларни ва хатто катакчаларни алоҳида-алоҳида форматлашга имкон беради. Жадвалнинг таркибий қисмларини форматлаш Property Inspector (Инспектор свойств) палитраси воситалари ёрдамида бажарилади (27-расм). Палитранинг бошқарув элементлари жадвалнинг катакчалар, қаторлар ва устунлари билан ишлашга имкон беради.

27-расм. Жадвал элементларини форматлаш

Уларнинг асосий имкониятлари билан танишиб чиқамиз.

• 
  Cell (Ячейка). Бўлими ўз ичига иккита тугмани бирлаштиради: Merges selected cells using spans (Объединить выбранные ячейки) ва Splits cell into rows or columns (Разделить ячейку на строки или столбцы), улар катакчаларни бирлаштириш (биринчиси) ва бўлиш (иккинчиси) учун мўлжалланган.
  
• 
  W (Ширина). Катакчанинг энини белгилайди.
  
• 
  Н (Высота). Катакчанинг баландлигини белгилаш учун майдон.
  
• 
  No Wrap (Без переноса). Буғин кўчириш режимини ўчиради.
  
• 
  Header (Заголовок). Бу байроқча сарлавхани белгилайди. Яъни бу кўрсатгич фаол бўлганда, катакчадаги маълумот ўртага текисланиб қалин шрифт билан ёзилади.
  
• 
  Вg (Фоновый цвет) ва Вg (Фоновый рисунок). Палитранинг битта номдаги иккита бўлими фон рангини ва фонга қўйиладиган расмни белгилайди.
  
• 
  Brdr (Цвет рамки). Танланган катак, қатор ёки устуннинг рамкаси рангини белгилайди.
  
• 
  Horz (Выравнивание по горизонтали). Катакчадаги маълумотни горизонтал бўйича текислаб беради.
  
• 
  Vert (Выравнивание по вертикали). Катакчадаги маълумотни вертикал бўйича текислаб беради.
  

28-расм. Вертикал бўйича текислаш

Матнли майдонлар

Матн майдони – саҳифанинг асосий қисми ҳисобланади. Чунки ҳар қандай Web-саҳифанинг асосий белгиловчи қисми матнлар ҳисобланади.
Матнли майдонлар уч хил кўринишда бўлади (29-расм).

• 
  Single line (Однострочное). Қисқа хабар ёки жавобларни киритиш учун хизмат қилади.
  
• 
  Multi line (Многострочное). Ихтиёрий узунликдаги хабарни киритиш учун мўлжалланган.
  
• 
  Password (Пароль). Паролни киритиш учун мўлжалланган.
  

Матннинг учала кўриниш ҳам битта буйруқ ёрдамида қўйилади. Уларни типларга ажратиш эса Property Inspector (Инспектор свойств) палитраси ёрдамида амалга оширилади. Бунинг учун шу номлардаги учта ёқиб-ўчиргич хизмат қилади.

29-расм. Матн майдонларининг типлари