У. Юлдашев, М. Мамаражабов, С. К. Турсунов

Жадвалли маълумотларни импорт қилиш

Dreamweaver дастурида ташқи матнли файлларни ўқиш ва ундаги жадвалларни ўгириб олиш учун махсус буйруқлар мавжуд. Жадвалли маълумотларни импорт қилиш қуйидагича амалга оширилади:

1. 
   File > Import > Import Tabular Data (Файл > Импорт > Импорт табличных данных) буйруғини беринг.
   
2. 
   Import Table Data (Импорт табличных данных) мулоқот ойнаси ҳосил бўлади (24-расм). Бу мулоқот ойнасининг асосий бошқарув элементлари билан танишиб чиқамиз.
   
   • 
     Data File (Файл данных). Бу майдонга жадвалли маълумот жойлашган файлни қидириш учун тўлиқ йўл кўрсатилади.
     
   • 
     Delimiter (Разделитель). Бу рўйхатда матнли файлдаги жадвални бўлувчиси киритилади. Рўйхат ўз ичига қуйидаги бандларни олади: Tab (Символ табуляции), Comma (Запятая), Semicolon (Точка с запятой), Colon (Двоеточие), Other (Другой).
     
   • 
     Fit to Data (Подбирается по данным). Агар бу ёқиб-ўчиргич ўрнатилган бўлса, жадвал кенгилиги ҳар бир устунда энг узун қатор ўлчами бўйича танлаб олинади.
     
   • 
     Set (Равна). Агар бу ёқиб-ўчиргич ўрнатилган бўлса, у ҳолда жадвалнинг энини олдиндан белгилаш мумкин бўлади.
     
   • 
     Cell Padding (Поля ячейки). Катакча ташкил этувчилари ва чегараси орасидаги масофани белгилайди.
     
   • 
     Cell Spacing (Расстояние между ячейками). Жадвалнинг ёнма-ён турган катаклари орасидаги масофани белгилайди.
     
   • 
     Format Top Row (Форматирование верхней строки). Жадвалнинг биринчи қаторини форматлаш учун тўртта вариантни таклиф қилади.
     
   • 
     Border (Рамка). Бу ерда жадвалнинг чегаравий рамкасининг қалинлиги белгиланади. Агар рамка зарур бўлмаса у ҳолда бу майдонда нол кўрсатиш керак.
     
3. 
   ОК тугмасини босинг.
   

23-расм. Property Inspector палитраси



24-расм. Жадвалли маълумотларни импорт қилиш

Агар мулоқот ойнасида кўрсатилган жадвал бўлувчилари ва матнли файлдаги жадвал булувчиларига тўғри келмаса, у ҳолда жадвални импорт қилиш нотўғри бажарилади. Аниқроқ айтганда жадвал бузилган ҳолда кўчади.