У. Юлдашев, М. Мамаражабов, С. К. Турсунов

Матнларга ранг бериш

Агар матнга бирор ранг берилмаган бўлса, у ҳолда Windows операцион тизимидаги ёки броузерда танланган ранг тасвирланади. Кўпинча бу ранг қора ранг бўлади. Бутун массивнинг символларига ранг ҳужжатнинг асосий кўрсатгичларида белгиланади. Кўпинча ҳужжат яратиб олингач, бу каби кўрсатгичлар киритилиб олинади. Бунинг учун юқорида кўрганимиздек Modify > Page Properties (Изменить > Свойства страницы) буйруғини бериш керак (CTRL+J). Ҳар қандай символлар тўпламига алоҳида ранг бериш мумкин. Рангларни сақлаш учун дескрипторида color атрибути ишлатилади. Масалан, яшил-кўк рангини белгиловчи код қуйидагича ёзилади:
бу коднинг ранги бирюза
Шуни эсда тутиш керакки HTML тилида ранг ўн олтилик саноқ системаси кодлари ёрдамида белгиланади. Палитранинг айрим элементлари ўзининг номига эга, масалан green (кўк), red (қизил) ва бошқалар.
Дастурда рангларни танлашни Property Inspector (Инспектор свойств) палитрасидан фойдаланиб ҳам инструментал йўл билан белгилаш мумкин. Бу жараён худди бошқа матн муҳаррирларида бажарилгандек боради.

Дастурнинг графикли форматдаги файллар билан ишлаш имкониятлари

График тасвирлар иштирокисиз тузиладиган ҳужжатлар жуда камчиликни ташкил қилади. Айниқса Web – саҳифаларини расмлар, логотипларсиз тасаввур ҳам қилиб бўлмайди. Бу каби графикли маълумотларнинг турлари жуда ҳам кўп. Уларни фақат формати бўйича ажратиш мумкин. Масалан, биргина расм деган маълумот остида ҳар хил форматдаги файллар ётади. Файлнинг формати маълумотни ёзиш ва сақлаш учун белгиланган стандарт қоидалар тўплами тушунилади. Ҳозирда ўнлаб графикли форматлар мавжудки, улар турли тизимларда ҳар хил мақсадда қўлланилади. Графикли форматларни учта синфга бўлинади. Булар: растрли, векторли, метафайлли.
Растрли форматлар. Растрли форматлар графикли маълумотларни сақлаш учун хизмат қилади. Бундай графикли маълумотларни асосини пикселлар ташкил қилади. Бу ерда бир пикселнинг алоҳида хусусияти, ранги ва жойлашган ўрни бор. Пикселлар шу қийматлари билан график ёки расмда ўз ўринларига эга. Бундай форматларга: TIFF, BMP, GIF, JPEG, PNG лар мисол бўла олади.