У. Юлдашев, М. Мамаражабов, С. К. Турсунов

Расмни фон сифатида қўйиш

Биз юқорида гиперматнли ҳужжатнинг параметрларида фонга ранг танлаш, фонга расм қўйиш билан танишиб чиқдик. Энди расмларни фон сифатида қўйиш билан батафсил танишиб чиқамиз:

1. 
   Modify > Page Properties (Изменить > Свойства страницы) буйруғини беринг.
   
2. 
   Background Image (Фоновый рисунок) майдонида расм файлини кўрсатинг.
   

Худди шу вазифани HTML тилида дескриптори ёрдамида бажарилади. Масалан, бу ерда расм ҳужжат сақланган каталогда жойлашган.
фрагменти эса интернетнинг кўрсатилган манзилидаги расмни фон сифатида қўйиб беради.

Интерфаол расмлар

Ҳозирги кунга келиб расмлар ва анимацияларсиз саҳифаларни учратиш жуда қийин. Аксарият Web-саҳифалар анимациялар, анимацион тугмалар ёки ҳаракатланиш тугмалари, расмлар, интерактив расмлар билан бойитилган.
Интерактив расмлар сўзи rollover image иборасидан олинган бўлиб сўзма-сўз таржимада “тасвирни кўчириб ўтказиш” маъносини билдиради. Агар Web-саҳифада бирор расм устига сичқон кўрсатгичини олиб борганингизда бошқа расм пайдо бўлса билингки у расм интерактив расмдир. Интерактив расмларни қўйиш қуйидаги йўл билан бажарилади:

1. 
   Матн курсорини расм қўйиладиган жойга қўйинг.
   
2. 
   Insert > Interactive Image > Rollover Image (Вставка > Динамические изображения > Интерактивное изображение) буйруғини беринг. 21-расмда кўрсатилган мулоқот ойнаси ҳосил бўлади.
   
3. 
   Бу мулоқот ойнасининг тегишли майдонларини тўлдиринг.
   
   • 
     Image Name (Имя изображения) майдонда расмнинг номи кўрсатилади.
     
   • 
     Original Image (Исходное изображение). Жорий ҳолатда кўринадиган расмнинг номи кўрсатилади.
     
   • 
     Rollover Image (Интерактивное изображение). Сичқон кўрсатгичи келиши билан алмашинадиган расмни номини ифодалайди.
     
   • 
     Preload Rollover Image (Предварительная загрузка) - бу байроқча расмни кўриш дастурларида юклаш режимини ишга туширади.
     
   • 
     When Clicked Go To URL (Переход по адресу) - бу ерда гиперматнли ўтиш буйруғи сақланади.
     
4. 
   Тегишли кўрсатгичлар киритлгандан сўнг ОК тугмачасини босинг ёки клавиатурадан ENTER тугмасини босинг.
   

21-расм. Интерактив расмни қўйиш

Dreamweaver дастури расмларнинг динамик алмашинувини кўрсатмайди. Бу жараённи фақат саҳифа кўриш дастурларида кўриш мумкин. Броузер дастурларини чақиришнинг энг қисқа йўли F12 тугмасини босишдир.