У. Юлдашев, М. Мамаражабов, С. К. Турсунов

Файллар билан ишлаш

Файлларни очиш техникаси Windows тизимида ишлайдиган бошқа дастурлардан фарқи йўқ. Бунинг учун File > Open (Файл >Открыть) буйруғини бериш керак. Бу буйруқни клавиатурадан CTRL+0 тугмалар комбинациясини босиш билан ҳам бажариш мумкин. Бундан ташқари дастурда файлларни очишнинг суриб келиш усули ҳам мавжуд. HTML файл белгисини сичқон ёрдамида суриб келиб, ҳужжат ойнасининг ихтиёрий ерига ташланса файл очилади. Дастурда бир вақтда бир неча ойна билан ишлаш имконияти фақатгина компьютернинг бўш хотираси билан мос равишда чекланади. Агар дастурда бўш саҳифа билан иш бошлаган бўлса, у ҳолда янги файл ҳар қандай ҳолатда уни ўрнини эгаллайди.
Dreamweaver дастури очиладиган HTML саҳифаларида синтаксис хатоларни текширади. Дастур стандарт HTML гиперматнли белгилаш тилида ёзилган барча кенгайтмали файлларни оча олади. Уларга қуйидагилар киради: .HTM, .HTML, .ASP, .CFM, .CFML, .TXT, .SHTM, .SHTML, .STM, .LASSO, .ХМL, .CSS, .PHP.

Файлларни сақлаш

Dreamweaver да файлларни сақлаш ҳам Windows тизимининг бошқа стандарт дастурларидаги сингари амалга оширилади. Бунинг учун меню қаторининг File менюсидаги: File > Save (Файл > Сохранить) ва File > Save as (Файл > Сохранить как) буйруқларини бериш керак. Биринчи буйруқни CTRL+S тугмалар комбинациясини босиш билан ҳам бажариш мумкин. Бу буйруқ шу номдаги мулоқот ойнасини ҳосил қилади. Ойнага фойдаланувчи томонидан файлнинг номи, типи ва жойи белгиланади. Агар аввал ҳужжатга ном берилган бўлса у ҳолда автоматик равишда Save as (Сохранить как) буйруғининг мулоқот ойнаси ҳосил бўлади. Бу буйруқни CTRL+SHIFT+S тугмалар комбинацияси ёрдамида ҳам бажариш мумкин.
Гиперматнли ҳужжатлар файллари Windows операцион тизимида .htm кенгайтма олади, Macintosh платформасида эса .html кенгайтма олади. Аммо бу кенгайтмадаги файлларни дастурларда очиш ва сақлаш буйруқлари бажарилиши тенг кучли. Дастурда очилиши мумкин бўлган барча типдаги файллар, худди шу дастурда сақланади ҳам.