Белгилаш кодларини тўғридан-тўғри киритиш ҳужжатнинг фақат махсус режимида амалга оширилади. Бу режимга ўтишнинг бир нечта имкониятлари бор. Улардан айримларини кўриб чиқамиз.
Window > Code Inspector буйруғини беринг. Худди шу буйруқни F10 тугмачасини босиш ёрдамида ҳам бериш мумкин.
Инструментлар панелидаги чапдан иккинчи Code and Design View (Режим разметки и планировки) тугмани босиш билан ҳужжат ойнасини икки қисмга бўлиш мумкин.
Кодлар назоратчисида жорий ҳужжатнинг кодлари тасвирланади. Белгилашда қўлланиладиган кўпчилик дескрипторлар алоҳида рангда тасвирланади. Дескрипторларнинг ранглари дастурнинг асосий кўрсатгичларига киради. Рангларни фойдаланувчининг хохишига қараб ўзгартириш мумкин. Агар фойдаланувчи ҳужжат устида бирор таҳрирлаш ишларини олиб бормоқчи бўлса у ҳолда F5 тугмасини босиш ёки View > Design View (Вид > Обновить) буйруғини бериш керак. Бу буйруқ ҳужжатнинг кодларни белгилаш режимидан таҳрирлаш режимига ўтказади. Таҳрирлаш режимидаги объектларни қўйиш, форматлаш буйруқлари ва ҳар қандай ўзгаришлар дархол кодлар инспекторига кўчади. Агар таҳрирлаш режимида бирор объект ёки фрагментни белгиласангиз, кодларни белгилаш режимида ҳам шу объект ёки фрагментга тегишли кодлар белгиланади. Бу эса дастурда икки ёқлама ишлаш имкониятини таъминлаб беради.
Кодлардан нусха олиш
Dreamweaver да бошқа HTML таҳрирлагичлари билан гиперматнли белгилашдаги кодларни алмашиш имконияти мавжуд. Бунинг учун Windows операцион тизимининг кўпчилик дастурларида мавжуд бўлган, белгиланган фрагментдан нусха олиш ва қўйишнинг стандарт буйруқларидан фойдаланилади. Айтайлик HomeSite дастурида очилган гиперматнли ҳужжатнинг белгилаш кодларидан нусха олишимиз керак:
Нусха олиш учун Edit > Сору (Правка > Копировать) ёки CTRL+C тугмалар комбинациясидан фойдаланамиз;
Буферга олинган нусхани қўйиш учун Edit > Paste (Правка > Вставить) ёки CTRL+V тугмалар комбинациясидан фойдаланамиз.
Матн муҳаррирларида танланган фрагментни сичқон ёрдамида суриш йўли билан кўпайтириш имконияти мавжуд. Бу имконият Dreamweaver дастурида ҳам ишлайди. Бунинг учун CTRL тугмасини босган ҳолда белгиланган фрагментни сичқон кўрсатгичи билан керакли жойга суриб кўпайтириш мумкин.