Uchinchi bosqich
1990 yillardan to xozirga qadar davom etayotgan davr
hisoblanadi.
Ushbu davrga xos xususiyatlar quyidagilardan iborat:
-
1991 yilda sobiq Ittifoqning parchalanishi, uning tarkibidagi
barcha ittifoqdosh respublikalarda mustaqil davlatlar tashkil topdi;
-
Mustaqil davlatlar hamdo‘stligi (MDH) tashkil topdi;
-
1991 yilda Varshava shartnomasi tashkiloti (Xarbiy) va o‘zaro
yordam iqtisodiy kengashi faoliyati to‘xtatildi.
-
1990 yil 3 oktabrdan ikki nemis davlati (GFR va GDR) yagona
davlatga birlashdi;
-
Yugoslaviya Sotsialistik Federativ Respublikasi parchalanib,
uning tarkibida Sloveniya, Bosniya va Gertsegovina, Xorvatiya, Serbiya,
Makedonia va Chernogoriya kabi mustaqil davlatlar sifatida e’lon qilindi;
-
1990 yil may oyida ikki arab davlati – Yaman Arab
Respublikasi (YaAR) va Yaman Xalq Demokratik Respublikasi (YaXDR)
birlashdi (Yaman Respublikasi, poytaxti – Sana shahri) va b.
Mutaxassislarning fikricha dunyo siyosiy kartasining kelajakda o‘zgarishi
ko‘p millatli mamlakatlarda etnik-milliy jarayonlarning rivoji yo‘nalishiga,
mamlakatlar va xalqlar o‘rtasidagi iqtisodiy, siyosiy, madaniy munosabatlarning
xarakteriga bog‘liq.
1.3. Dunyo mintaqalari zamonaviy siyosiy kartasi
Mavjud ma’lumotlarni tahlil qilish asosida jahon mintaqalari siyosiy
kartasining shakllanishi turli ko‘rinishga ega ekanligini ko‘rish mumkin. Agar
Yevropa va Osiyo siyosiy kartasi shakllanishi uzoq tarixiy davrlarni o‘z ichiga
olsa, qolgan qit’alarda bu jarayon asosan Buyuk geografik kashfiyotlar davri bilan
bog‘liq. Aynan tarixiy rivojlanish davri davomiyligi mintaqalar siyosiy kartasida
joylashgan ob’ektlarning davlat tuzumi, hududiy-ma’muriy bo‘linish holatlarida
turli ko‘rinishlarning yuzaga kelishiga sababchi bo‘ladi. Uzoq tarixiy shakllanish
bosqichlariga ega bo‘lgan Yevropa va Osiyoda jahonning monarxiya davlat
tuzumiga ega davlatlarining asosiy qismi to‘plangan.
19
Yevropa siyosiy kartasi eramizdan avvalgi XIX-XVIII asrlarda birinchi Krit
davlatining paydo bo‘lishi bilan shakllanishni boshlagan. Uning rivojlanishida
birinchi va ikkinchi Jahon urushlari katta ta’sir ko‘rsatgan. Hozirda bu mintaqada
43 ta davlat BMTga a’zo bo‘lgan davlatlar mavjud. Mintaqa davlatlari tarkibida
jahon siyosiy va iqtisodiy hayotida katta ahamiyatga ega bo‘lgan Xavfsizlik
kengashining doimiy a’zolari hisoblanmish Buyuk Britaniya, Frantsiya kabi
davlatlar bilan bir qatorda jahon iqtisodiyotida jahon umumiy YaMMning 3,4% ni
beruvchi Germaniya joylashgan. Qit’a davlatlari BMT tasnifiga ko‘ra Shimoliy,
Janubiy, G‘arbiy va Sharqiy Yevropa subregionlariga ajratiladi. Tashqi
ko‘rinishdan Yevropa siyosiy kartasi to‘liq shakllanib bo‘lgandek tasavvur
uyg‘otsa-da, uning hududida Donetsk Xalq Respublikasi (Ukraina hududida),
Kosovo Respublikasi (Serbiya hududida), Lugansk Xalq Respublikasi (Ukraina
hududida), Pridnestrove Moldovan Respublikasi (Moldova Respublikasi hududida)
kabi qisman tan olingan va olinmagan davlatlar, Gernsi (Buyuk Britaniya), Faryer
orollari (Daniya), Shpitsbergen (Norvegiya)
kabi mustamlaka hududlarning
joylashganligi, irlandlar, kataloniyaliklarning o‘z siyosiy mustaqilligini talab qilish
holatlari Yevropa siyosiy kartasida turli o‘zgarishlarning yuzaga kelishi
mumkinligidan dalolat beradi.
Eramizdan avvalgi 2500-1500 yillarda Moxenjora va Xarappada ilk
davlatchilik ko‘rinishlarining paydo bo‘lishi Osiyo qit’asi siyosiy kartasini
shakllanishiga asos bo‘lgan bo‘lsa, keyinchalik uning hududida hukmronlik qilgan
Mo‘g‘illar, Amur Temur, Usmoniy turklar imperiyalari kabi davlatchilik
ko‘rinishlari siyosiy kartada katta o‘zgarishlarni yuzaga keltirdi. Buyuk geografik
kashfiyotlar davri qit’ada mustamlakachilik tizimining rivojlanishiga sababchi
bo‘lgan. Mazkur mintaqada jahon iqtisodiy markazlari orasida katta salmoqqa ega
bo‘lgan Xitoy, Yaponiya va Koreya Respublikasidan iborat bo‘lgan Sharqiy Osiyo
iqtisodiy markazi, jahonning ko‘p millatli davlatlaridan hisoblangan Hindiston,
Indoneziya kabi davlatlar joylashgan. Bundan tashqari ona Vatanimiz
hisoblanmish O‘zbekiston Respublikasi Osiyoning geografik markazida joylashgan
davlatlardan biri bo‘lib hisoblanadi.
20
Qit’a hududi Markaziy, Sharqiy, Janubiy, Janubi-g‘arbiy hamda Janubi-
sharqiy subregionlarga ajralgan holda, uning hududida 47 ta mustaqil BMTga a’zo
bo‘lgan davlatlar joylashgan. Yuqorida qayd qilinganidek, mintaqada Abxaziya,
Ozod Kashmir, Xitoy Respublikasi kabi katta miqdorda tan olinmagan davlatlar,
Hind okeanidagi Britaniya xududlari (Buyuk Britaniya), Kokos orollari
(Avstraliya), Rojdestvo oroli (Avstraliya) kabi mustamlaka hududlar joylashgan.
Ko‘p yillardan buyon davom etib kelayotgan Isroil-Falastin muammosi, Suriyada
yuz berayotgan harbiy to‘qnashuvlar Osiyoni siyosiy jihatdan eng notinch
mintaqalardan biriga aylantiradi.
Afrika siyosiy kartasi shakllanishida o‘ziga xos hududiy tafovvutlar mavjud.
Agar uning shimoliy qismida eramizdan avvalgi 4000 yilliklarning ikkinchi
yarmida ilk qadimiy davlatchilik ko‘rinishlari yuzaga kelgan bo‘lsa, 1415-1460
yillarda Afrikaga portugal ekspeditsiyalarining boshlanishi keyingi davrlarga kelib
uning qolgan qismlarda turli Yevropa davlatlarining mustamlaka hududlarining
paydo bo‘lishiga sababchi bo‘ldi. 1900 yilga kelib Afrikaning Efiopiya va
Liberiyadan tashqari barcha davlatlari Yevropa davlatlari tomonidan bo‘lib olindi.
O‘ziga xos tarixiy jarayonlar qit’a shimolida qolgan qismlariga qaraganda ko‘p
asrlik tarixga, madaniyat va iqtisodiyotga ega bo‘lgan davlatlarning rivojlanishiga
sababchi bo‘lgan bo‘lib, mazkur qadimiy davlatlarning ko‘plab qadimiy arxitektura
yodgorliklari butunjahon madaniy yodgorliklari tarkibiga kiritilgan (masalan: Misr
ehromlari, Aleksandr mayoqi va b). Ikkinchi Jahon urushidan so‘ng Afrikada
dekolonizatsiya jarayoni boshlandi. Sekin-astalik bilan qit’a davlatlari o‘z siyosiy
mustaqilliklarini qo‘lga kirita boshladilar.
Afrika hududi siyosiy jihatdan Shimoliy, G‘arbiy, Markaziy, Sharqiy va
Janubiy (tabiiy jihatdan Shimoliy, Markaziy, Sharqiy va Janubiy o‘lkalarga
ajratiladi) subregionlarga ajratiladi. Mazkur mintaqalardagi davlatlar mamlakatlar
va hududlar soni – 62 ta bo‘lib, ulardan 54 tasi mustaqil davlat hisoblanadi.
2011
yil qit’ada jahon siyosiy kartasidagi hozircha eng so‘nggi davlat – Janubiy Sudan
mustaqil davlat paydo bo‘ldi.
Reyunon oroli (Frantsiya departamenti), Mayotta
oroli (Frantsiya ma’muriy birligi), Avliyo Yelena oroli (Buyuk Britaniya
21
koloniyasi), Marokash hududidagi Seuta va Melilya shaharlari (Ispaniya) kabi
o‘zini-o‘zi boshqarmaydigan hududlar bilan bir qatorda, maqomi noma’lum
bo‘lgan G‘arbiy Sahroi Kabir ham aynan Afrikada joylashgan. Shu bilan birga bu
yerda jahon iqtisodiyotida o‘z o‘rniga ega bo‘lgan va BRICS tashkiloti a’zosi
Janubiy Afrika Respublikasi bilan bir qatorda katta mineral resurs salohiyatiga ega
bo‘lgan Jazoir, Liviya, Misr, Botsvana, Kongo kabi davlatlar ham joylashgan.
Ikkinchi Jahon urushidan keyin qit’ada chegaralarni aniqlash bo‘yicha qisqa
muddatlarda o‘tkazilgan demarkatsiya (
chegara chiziqlarini aniqlash bo‘yicha olib
borilgan tadbirlar
) va delimitatsiya (
davlatlar o‘rtasida chegaralarning
o‘tkazilishi
) jarayonlarida mahalliy etnik, diniy xususiyatlarning e’tiborga
olinmasligi oqibatida davlatlar o‘rtasida ko‘plab kelishmovchiliklar yuzaga
kelmoqda. Bu esa o‘z navbatida ko‘plab siyosiy nizo markazlarining paydo
bo‘lishiga turtki bo‘lmoqda. Ushbu holatlar Afrika siyosiy kartasi shakllanishi hali
beri nihoyasiga yetmasligini ko‘rsatadi .
Amerika qit’asi siyosiy kartasi Afrika singari Buyuk geografik kashfiyotlar
natijasida shakllanib boshlagan. Asosan Osiyo mintaqasi aholisi migratsiyasi
natijasida 25 ming yil avval Shimoliy, 12-11 ming yil avval esa Janubiy
Amerikaning o‘zlashtirilishi yuz bergan bo‘lib, qit’aning markaziy qismlarida o‘z
davrining qudratli imperiyalari rivojlangan (masalan: Mayyalar, Atsteklar, Inklar
imperiyalari). 1492 yil X.Kolumb sayohati natijasida bu hududlar qisqa muddat
davomida turli Yevropa davlatlarining mustamlakalariga aylandi. Bir necha asrlar
oldin vatandoshimiz Abu Rayhon Beruniy tomonidan ummon ortidagi yerlar
mavjudligi haqidagi nazariyasi o‘z isbotini topib, mazkur mintaqa 1507 yilga kelib
jahon siyosiy kartasida “Yangi Dunyo” nomi bilan ifodalana boshlandi. 1775 yilda
amerika koloniyalarining mustaqillik uchun kurashi 1776 yil mintaqadagi birinchi
mustaqil AQSh davlati tashkil topishi bilan nihoyasiga yetdi. Shundan so‘ng
Amerikaning turli hududlarida siyosiy mustaqillik uchun kurashlar boshlandi va
turli davlat tuzumi, hududiy-ma’muriy boshqaruv shakllariga ega mustaqil
davlatlarning paydo bo‘lishi bilan nihoyasiga yetdi.
22
Do'stlaringiz bilan baham: |